الرئيس السيسى يوجه بإنشاء صندوق لصيانة مبانى الأسمرات وبشاير الخير

وجه الرئيس عبدالفتاح السيسي، رئيس الجمهورية، بإنشاء صندوق لصيانة مبانى الأسمرات وبشاير الخير، قائلاً "لازم يكون للمناطق دى صندوق وقيادة تسيطر عليها وتدير شئونها والكلام بالتنسيق مع المحافظة والجمعيات الأهلية.
وقد تحدث الرئيس عبد الفتاح السيسي، عن مشروعات الإسكان مثل "بشاير الخير"، و"الأسمرات"، و"أهالينا"، قائلا: "بنتكلم إسكان زى بشاير وأسمرات؛ المحافظين اللى عندهم المساكن دي؛ بتاخدوا رقم للإيجار من السكان علشان الصيانة وللمواطنين اللى موجودين فى السكن ده".
إقرأ أيضاً
* الرئيس السيسي يتوجه إلى قطر لحضور حفل افتتاح كأس العالم لكرة القدم
* الرئيس السيسي يزور شباب اللجنة المنظمة لمؤتمر المناخ للتعرف على دور غرفة العمليات المركزية
وأضاف الرئيس السيسى، خلال كلمته فى افتتاح محور التعمير الجديد "محور أبو ذكري"، بمحافظة الإسكندرية: "السكن اللى موجود ده قيمته لو إيجار قد الرقم 5 – 6 مرات.. يعنى عاوز اقولكم.. انتوا المحافظة اللى ناطقها مساكن بالطريقة دى من فضلكم.. لازم نعمل صندوق لصيانة هذه المباني.. والفلوس دى محدش يقربلها.. لها مصارف محددة.. علشان تفضل العمارة كده شكلها كده وكويسة.. وصيانة المصاعد.. مفيش كلام ده".
كما وجه الرئيس عبد الفتاح السيسي، بإنشاء نقطة شرطة في مشروعات الإسكان مثل بشاير الخير والأسمرات وغيرها، متابعا: "وزارة الداخلية لازم يكون في كل منشأة من دي.. نقطة شرطة وتواجد شرطي.. ونحمي الناس وتواجد للدولة المصرية في المناطق دي.. نشوف الناس ونحميهم".
وتابع: "التطوير مش بس المبني لا.. ده حاجة مستمرة.. دور بنقوم بيه كلنا تجاه اهلينا في المناطق دي.. صندوق للصيانة يتعمل ويتحط فيه الأرقام تحت إشراف رئيس الوزراء للإنفاق منه".
وقد مازح الرئيس عبدالفتاح السيسي، وزير النقل كامل الوزير، قائلا: "الأرض بتاع الطريق والسكة الحديد غالية قوي مش عاوز يدي حاجة يقولك أرضى يا عم ده انت نحلت وبرنا".. نحل وبر الدولة في مشروعات النقل بتاعته ويقولك لا مديكومش ده حرم السكة الحديد بتاعتي ده كانوا بانيين عليها زمان وعشوائيا لما جينا متكلم على المحور تقول لا.
رد وزير النقل قائلا: "خلال افتتاح مشروع محور أبو ذكري.. روحت للقائد العام وقلتله خد اللى انتوا عاوزينه بس نكتب ورقة علشان نحفظ حق السكة الحديد".
قال الرئيس السيسي: "أنا موافق يا كامل .. قله المحاور اللى تعملت ادينا تمنها دلوقتي سيب وانا سيب يا كامل".
وتحدث الرئيس السيسي عن تطوير منطقة المنتزه قائلا: "أنا عاوز أفكركم لما جينا نبدأ في المنتزه.. ناس كانت بتقول هتعملوا إيه.. وناس زعلت.. إحنا مش هنحرم حد أبدا.. المنتزه مفتوحة لكل الناس.. ومتاحة للكل.. من أول أنا.. مفيش حد له حاجة مش بتاعته.. لو بتاعته مش هقدر أنازعه في الملكية.. الشاليهات اللى كانت موجودة.. أنت بتستخدمها أسبوع و2 في السنة دلوقتي مفتوحة للكل.. تقريبا كل حاجة خلصت.. قصر السلاملك كان هينهار.. نرجع كل حاجة زي ما كانت.. ده تاريخنا".
وأضاف الرئيس السيسي"كنت أتمني أنه اللى يتقال عن تطوير المنتزه في مداخلات تليفزيونية وصفحات التواصل الاجتماعي.. التعليق على الوضع.. حط الصورة دي بالصورة القديمة.. وعمرنا ما هنعمل حاجة إلا كل خير.. مفيش الا الخير.. اتفرجوا عليها لما نخلصها.. طب لمين.. الناس اللى موجودة في الإسكندرية".
وتابع الرئيس السيسي: "انتوا مستغربين.. عندنا حرص نرجع للحسن.. مش كنا بنقول الكلام ده على شكل وصورة البلد من 80 و100 سنة.. طب لما تبقي معانا إحنا يبقي شكلها إيه.. ترجع تاني.. حتى لو مش هنضيف عليها نحافظ عليها.. أي حاجة بندخل فيها يعني بنعمل حاجة حلوة أوي والله.. انتوا مالكم خايفين ليه.. مش بنعمل أي حاجة "أي كلام".. ومش أعرف "الأي كلام".. وباين اتعودنا عليه.. والناس شكلها اتعودت على "الأي كلام".
وقد وجه الرئيس عبدالفتاح السيسي بعمل محاور حركة بمنطقة ال 1500 فدان المجاورة لمحور المشير أبو ذكري، مضيفا: "المواضيع لا تنتهي ..هي موجة وحاجة عملناها مرة وسقفنا وفرحنا دي حياة ناس ومسؤولين عنها .. أرجو آلاف الأفدنة التانين والشغل الموجود في مشارف والطرق والصحراوي لازم يكون 6 حارات أو لو اكتر من كده يبقا كويس ..لان حجم الكتلة السكانية ل 1500 فدان منهم 400 فدان منطقة صناعية هيبقا الحركة الموجودة ضخمة جدا..المهم نعمل محاور حركة للكتلة الكبيرة دي ومش هيبقا فيها أقل من نص مليون".
وأضاف الرئيس خلال افتتاح محور المشير أبو ذكري: "بتكلم على الهواء وبتكلم مع الناس في مصر على الهواء، المنطقة دي يا جماعة بنعمل تطوير عمراني مش علشان نؤذى الناس..البديل التاني النمو داخل الإسكندرية ومتعرفش تعيش ولا تمشى مفيش قدامي الا الاتجاه غربا وشرق ولاعادة صياغتها والكلام وزارة الإسكان والكهرباء والداخلية ودورها بقوله على الهواء لما نيجي نقول المنطقة يتم اخلائها يتم اخلائها ومش هنخلى منطقة دون ان نعوضه..كنا بنعوض التعويض الاجتماعي علشان لا نؤذي الناس.. أرجو التلبية اللى بنعمله مش علشان صالح حد ولكن لصالح الكتلة الكبيرة".
وقد شهدت فعاليات افتتاح عدد من المشروعات القومية الجديدة في محافظة الإسكندرية، بحضور الرئيس عبد الفتاح السيسي، عرض فيلم تسجيلي عن المشروعات المنفذة بمحافظة الإسكندرية بعنوان "المنتزه.. درة البحر المتوسط".
كما شهد الرئيس عبد الفتاح السيسي، افتتاح المرحلة الثالثة من مشروع "بشاير الخير 2" في منطقة غيط العنب بمحافظة الإسكندرية.
وكان الرئيس السيسي، قد شهد افتتاح محور التعمير الجديد الذي يعد إضافة ونقلة نوعية ضخمة من شأنه أن يفتح آفاقا تنموية جديدة لمنطقة غرب محافظة الإسكندرية بكاملها ويزيد من حيزها العمراني، ويربط ميناء الدخيلة بالطريق الصحراوي والطريق الدولى الساحلي ومدينة برج العرب، وليصبح شرياناً تنموياً حيوياً لربط الإسكندرية بمدينة العلمين الجديدة عبر الطريق الساحلي.
كما يأتي محور التعمير كخطوة جديدة إضافية فى تنفيذ استراتيجية الدولة في إنشاء شبكة الطرق والمحاور على امتداد رقعة الجمهورية، تلك المحاور التى لم تعد تقتصر فقط على تسهيل حركة المرور وانتقال المواطنين، بل أصبحت المحاور المرورية شرايين جديدة للحياة تدعم جهود الامتداد العمراني المنظم، والتجمعات السكنية الحديثة، وتعزز من العوائد الاقتصادية والتجارية، وتوفر فرص عمل، كما تربط المشروعات القومية لتتكامل مع بعضها، وذلك انعكاساً لرؤية تنموية شاملة وفلسفة علمية عميقة نحو البناء والتعمير والتنمية.
الأسمراتالأسمرات 3الرئيس عبد الفتاح السيسيبشاير الخير