..(( عايز تجرب ))…بقلم : د/ عمر عبد الجواد عبد العزيز

تعالي قرب
تلاقيني صاحي
في إيدي سلاحي
و في القلب هضرب ……
تعالي قرب …..
علي اعتابي .
واقف في بابي
لأي إرهابي .
م المُر يشرب …..
تعالي قرب ……
فاكرها لعبة
دي مصر صعبة
و رب الكعبة .
ما يلحق يهرب ……
تعالي قرب….
مصر عفية
و مش هفية
بإدين خفية
عليك هتغضب ……
تعالي قرب……
فاكرها سايبة
و عيونها غايبة
نظرتها صايبة
لو دخيل و جرب ..
تعالي قرب……
عيون سهرانه
ما تعرف خيانة
لحمل. الأمانة
كله إتدرب ….
عايز تجرب
تعالي قرب…..
★★★★★★★★★★