احزان للبيع..حافظ الشاعر يكتب عن :يوميات مواطن طلق السياسة وجلس في البيت يا حكومة!!

قم إيه مراتى ربنا يجبر بخاطرها
ويعد حيل كل الحريم
اللى كانوا سببا فى طلاقى من السياسة
قالتلى هتعودلى فى البيت
قوم اعملك حاجة
روح السوق
عملت فيها شملول واتسوقت
جابت الآتى :-
3 كيلو طماطم
الكيلو ونصف ب 10 جنيه
يعنى كده
20 جنيها طماطم
وانا بحبش الكوسه
ولأنها رخيصة جبت 2 كيلو فى 5
يبقى 10 جنيها
ولقيت البصل اللى هو الأبيض
الكيلو بكام 5 جنيه جبنا 2 كيلو
ب10 جنيها
وعشان حباية الطماطم غالية
قولنا نستعيض عنها فى السلطة بالجزر
قم إيه جبنا 2 كيلو 5
يعنى 10 جنيها
والتقيت الخيار جبت كيلو ونصف ب10 جنيه
قلنا نجيب فاكهة بالمرة
مفيش رخيص غير الموز جبنا 2 كيلو
الكيلو ب 6.5 يعنى 15 جنيها
وقلنا نجيب فلفل بالمرة الكيلو بكام 8 جنيه
جبنا نصف كيلو ب4 جنيه والولية اللى بتبيع
مكانش معاها فكه راحت حطت قرن فلفل بالجنيه
يبقى كده 5 جنيه كما
يعنى كده صرفنا بالصلى على النبى
80 جنيها…..!!!
طبعا ..كنت ماشى فى الشمس ؛رجعت البيت
وتملكنى صداع رهيب استمر يومين
رحت للدكتور الكشف 350 جنيه
وروشتة مثلهم ،وقبل هذا كنت عند دكتور الأسنان
حشى ذرس عصب وشال آخر كان متهالكا وكان
تحت كيس دهنى ،وطبعا 350 جنيها مثلهم
يبقى كده بالصلاة على النبى 1050+80=1130 جنيها
بدأت أشم نفسى من الوعكة الصحية ولم أتعافى من الوعكة المادية
وخرجت لعملى ،وحين عودتى ؛ وجدت المدام ..الله يفتح عليها
أخذت القرار بان تنقل الأولاد من الدور الثانى للدور الأرضى
طبعا ..صرخت ولكن ردها أقحمنى ..
مش انت فى حلقاتك بتتكلم عن الدفء العائلى
أهو بصحح الخطأ وبسمع كلامك
ايدك يا الله ساعدنى
ومجبور على أمرى انصاعت لها
وعاود الصداع لرأسى
وإذا بى اناولها مٌلة السرير
وتناولنى المرتبة ؛خانتها قدماها
وإذا بها تصرخ واقعة ؛فما كان منى
إلا ان أخذتها إلى مستشفى التأمين
وما أدراك ما التأمين الصحى بمصر
المهم كشفوا عليها وكان التشخيص
تمزق فى الأربطة
ارجعها مواصلات ..لا طبعا..
رجعت فى تاكسى
وصرفت فى الليلة دى 60 تاكسى و20 مواصلات
وعلاج ب 120 جنيه ..يعنى بإختصار يا حكومة الهنا
لم يمر 4 أيام إلا وصرفت أنا المواطن الغلبان
1130+60+20+120=1330 جنيها
ووزير المالية والإعلام بيهللوا بالزيادات
حتى بياعة الفجل ؛بتزود 50 قرش علشان فيه زيادة
طاااااااااايب ..احنا أهو معانا يا دوووووووووووب
اللى مش معاه بأه يعمل إيه..؟!!
جاى رايح منه له.