منى الحديدى تكتب بالعامية: كسر القلوب مش سهل

مش مطلوب مننا غير إننا نبطل نزعل ونندم .. مطلوب مننا نطمن نتعشم دايما ان عوض ربنا ملوش حدود ..واكيد ربنا هيبعت لنا ناس هيزرعهم ف حياتنا مش هيكونوا حابين ولا عايزين حاجة غير انهم يفضلوا جنبنا ونكون مبسوطين وفرحانين .زي بالضبط ما إحنا كنا في حياة ناس وكان كل همنا إسعادهم وإننا دايما نشوف الفرحه في عنيهم ونحس فيهم بالرضي
في حاجات ما ينفعش نسامح فيها و في أنواع من الناس اللى ما ينفعش تسامحهم ولا تغفر لهم مهما اعتذروا ...لأن الوجع اللي جواك تخطي حدود الاسف والاعتزار ..حد ما بتلاقيهوش الا لما الدنيا تسود في عينه ومايكونش ليه رفيق ولا صاحب ..تلاقيه يجري عليك علشان يتسند عليك ..واول مايشتد يديلك ظهره ..ولو وقعت واحتجته بتلاقي في سؤاله عنك مشاعر باردة لا فيها قلق ولا لهفه ولا خوف عليك حد مهما تغيب مايسالش عليك الا لما تسأل انت ولما تسأل يقولك مليون عذر لعدم سؤاله عنك
حد مش عارف ان الاهتمام بالآخرين خارج نطاق الأعذار
حد عنده استعداد يخسرك لمجرد بس انك تعترض علي شئ بيتعبك او بيوجعك ومش عارف ان حقك عليه انه يراقب نظرات سعادتك ويعرف اللي بيسعدك ويفرحك من غير ما تتكلم ولا تطلب حد مفيش ليك عليه لي طلبات او حق ..رغم ان كل الحق حقك وكل الطلبات واجبة عليه ورغم ذلك مستعد يخسرك لمجرد انك تعترض علي شئ يوجعك ..ومن المفترض ان اللي يوجعك ده مايمثلش ليه اهميه ولو كان يهمه راحتك كان ريحك
حد بيطلب منك ترضي بوجعك وتدوس علي احاسيسك وتعامله عادي فقط من اجل ارضاء نفسه والآخرين
حد مش عارف ان القلب والنفس البشريه اللي اتوجعت وادمرت نفسيا دي ربنا هيسأله عليها وعلى وجعها حد شوهك نفسيا حد كان بيخطط لتدميرك من الداخل واستخدم معاك كافة الأسلحة التحطيمية و فعلا نجح إنه يعمل كده فيك ..نجح في إنّه يوجعك ويندّمك على كل حلو إنت قدّمته له في يوم من الايام
حد مايعرفش يعني ايه صداقه ولا اخلاص ويحاول يوصل علي حسابك وحساب كرامتك عشان يرضي غروره
حدّ استحوز علي قلبك ..وبقيت انت كل حياته وحول حبك ليه لحبل مشنقة يخليك تخنق نفسك بنفسك حد يرغمك ويجبرك على الرضا بحاجات توجعك وتجرحك ومش بيفكر غير في إرضاء نفسه حد ما رحمش طِيبتك ولا كان شايف نظرات عنيك وكل الوجع اللي في قلبك باين فيها
حد كان شايف حبك له ضَعْف مش قوّة بوجوده في حياتك ..حد علي طول يفضل رضي الآخرين على رضاك
حد استغل عواطفك وأحاسيسك ومشاعرك ودمرهم لانه مايعرفش يعني ايه حب حقيقي ونسي ان ربنا كرمه بنعمة الحُب في حياته..هو حد كان محتاج اوي لحبك ليه ..ولما لقاه وملكه أصبح كل همه إرضاء نفسه فقط ومش مهم تتوجع ..تتألم ..تتكسر
وعادي جدا يشوف ذلك ليه بعنيه ..وعادي جدا انك توصل معاه انك بتحارب عشان تثبت لنفسك وليه قيمتك جواه وللاسف مش عارف انك لما توصل لإثبات قيمتك جواه ده شئ موجع ومؤلم فوق مايتصوره بشر ...
حد كنت بالنسبه له البير اللي بيرمي فيه همومه والامه ..حد كانت فرحته بتفرحك انت الاول وقلبك اللي هو معاه فرحله اوي وتيجي فرحه ليك تتمني منه بس انه يسأل او يهنيك
بتحس انك تتسول منه الاحساس الحلو والفرحه اللي نفسك يقاسمك فيها ..حد كنت علي طول بتعوضه اي احتياج ..احساسك بفرحه وحزنه بتكون رفيق ليه بجد ..وكتير تتمنى منه بس السؤال او الاطمئان عليك حد بيدوس اوي علي اللي يوجعك ويزعلك ويوقعك
الحد ده حقيقي هيعرف قيمتك بس لما تكون خلاص فقدت كل حاجه حلوة جواك
وللاسف اللي هيتعلمه من تجربته معاك هيحاول يتجنبها مع اللي يقابله بعدك
بس حقيقي الحد ده مهما قابل بعدك ومهما كان حريص في معاملته معاه مش هيلاقي زي قلب منحه المعني الحقيقي للحياه وكمان سمحله يكون قلب للتجربه علشان يعرف يعني ايه قلبالناس دي حقيقي ماينفعش نسامحها الا لما نحس انهم عرفوا قيمتنا في حياتهم وان كسر القلوب مش سهل