البحر واحد لكن السمك أنواع:"الحموات" قنبلة موقوتة فى المنزل

الزواج ليس سوى اتفاق بين طرفين على بدايه مشروع جديد التقاء لروحين وتعاهدهما على الاتحاد مدى الحياة تحديا لشخصين على البدء بعهد جديد لبناء دولتهما الخاصة بقوانينهما التى يريدان ..لوحة ترسمها يدان تخطو عليها أصابعهما بتوزيع خطوط اللوحة الرائعة قد تكسوها الألوان الزاهية المبهجة وقد تسودها بعض الاحيان الألوان الكئيبة الحزينة
وعند تبدل الألوان تتحول البداية لنهاية..وقد يعكر صفوها إما "الحوات وإما الزوجة نفسها ..صراع أبدى بين اإثنين وفى النهاية الزوج هو الخاسر الأكبر"
"الزمان المصرى"تتجول فى بر المحروسة لترصد العلاقة بين الحموات والزوجات:
فى البداية تقول هانم السعيد "أم لثلاثه أولاد" ..الزوجه متعرفش يعنى إيه أسرة فمرات ابنى سبتنى وسابت بنتى ومكنش حيلتى حاجة.. ربتهم ..ربيت دكتورة وأتسبيت فى الثانية ..غلبانة تعبت فى تربيتهم 35 سنة كان نفسى أعيش وأفرح بعيالى جوزت ابنى الكبير طفحتنى مراته الدم وسابتنى ..اليومين دول أول مايتشاكلوا المجوزين الدنيا تقوم ..كان لما بيروح يجيبها أبوها بيمسك فيه وبيقوله هافضحك ..مرة غضبت مراته اسبوع لقينا الاعلان وصلنا وعرف ابنى ان له اسم فى المحكمة ..ابنى بعد الطلاق مش عارف يشوف ابنهوخدت 12 ألف جنيه ولسه لها 10 ألاف جنيه هيعيش ازاى ؟ يا بنتى المفروض الرجل راجل ،والست ست.. الست عايزة تتأمر والراجل مش بيطيق ،وولادى الاتنين متبهدلين ابنى التانى واقف مع أخوه فى سداد ديونه
مينفعش يسيب أخوه ينام فى السجن جاتلى الامراض من اللى شوفته.منها لله.
وتضيف مدام خديجه بنات اليومين دول مدلعين ، وكل حاله ولها ظروفها ..المشكلة لما بتحصل بين الزوجين مش بتكون بين الزوجين فقط بتكون بين العائلتين ، والمحاكم سوزانيه (أى تكون فى جانب الزوجة سواء مظلومة أو ظالمة ) وبعد الطلاق قضيه الزوج الوحيد انه يشوف ابنه والابن بيكون مع والدته فترة طويلة بيكلموا عن الاب وحش فازاى يختار أبوه بعد كدا يعيش معاه
وترى مدام رانيا سيف "زوجة"أهم حاجة فى الزواج السنة الاولى لو عدت من غير خلافات يبقى كويس
فزمان كان السبب فى مشادة الحموات الحياة العائلية لكن دلوقتى الحياة مستقلة وأصبح الامر مقتصر على الزوجين ..المشكلة بالنسبة للزوجة عدم التجديد مش بتغير من نفسها والزوج التفكير فى الفلوس والحياة المادية ولو الابن وحيد بتشعر الأم أن الزوجة هتأخده منها ،وصدق من قال ان الساعه راحت للساعاتى متشتغلش وان الزوجه عرفت طريق المحكمه متعشش )"وهنا تكمن معظم المشكلات نتيجه حب تملك الام لابنها يصل الى حد الغيرة من زوجه الابن "
وتؤكد الحاجة ثريا عوض "حماة"السبب اللى يخلى الجواز يفشل لو ابنى مخلفش يجوز واحدة تانيه او اهمال لجوزها وبيتها او يكون الراجل شايف واحدة تانيه ،لكن مرات ابنى معاها ولاد هاهد بيتها ليه ..بيقولوا زمان اللى مكنتش تعرف تخبز "تطلق" ولا أم الشلاتيت اللى طلقت سبع نسوان عشان معرفوش ينضفوها
لما بشوف العيل بيتخانق مع مراته مبدراش بنفسى وبتعب ..بيقولوا اللى تقدر على مسك النار تقدر على عيشة الراجل ..الواحدة بجبها من بيت ابوها مقسومه عشان دماغى ومتقولش أمك قالت وعملت رياحه البال أهم حاجة ..الواحدة اللى فى دماغها حاجة ومش عارفه ربنا هى اللى بتخرب على ابنها ..يعنى فى واحدة مرات ابنها عندها ورم بتعاير مرات ابنها بالمرض وطردتها من البيت مرات ابنها قالت لها انا بحبه ومش هسيبه لو موتونى ..البحر واحد لكن السمك أنواع.
وتقول د . ح متزوجة حديثا بدأت حياتى وعاملت أم زوجى كأمى وسمعت العديد من الحكايات عن زوجات اشقاء زوجى من أم زوجى والتمست لها العذر لأنها قامت بتربية أربعة شباب بمفردها ،وبعد الزواج كان بيصدر عنها بعض الافعال الغريبة التى تغضب منها ولكنها فى نهاية الأمر تلتمس لها العذر
وخاصة وأن زوجى أخبرنى منذ البداية بمكانة أمه الخاصة من خلال مقولته لى
"أمى لو داست عليا وعليكى مش هأكلم"