عهد جديد

بسم الله الرحمن الرحيم
لا خَيْرَ فِي كَثِيرٍ مِنْ نَجْوَاهُمْ إِلا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاتِ اللَّهِ فَسَوْفَ نُؤْتِيهِ أَجْرًا عَظِيمًا (114) سورة النساء
"بعدم الحطب تنطفيء النار وحيث لا نمّام يهدأ الخصام.
فحم للجمر وحطب للنار هكذا الرجل المخاصم لتهييج النزاع"
عهد جديد
هحاول أصدق إن العهد ده
عهد جديد
مش راح أخون أو راح أكدب
أي كلام أو حتي وعيد
حقتل كل الكره ف قلبي
وأبص لبكره وعمر مديد
لإمتي يا ناس حكره صاحبي
عشان كان ظابط ولا عميد
ماهو ياما حماني
ومات علشاني
ومنهم في اليوم ألف فقيد
بس كمان
ماهو ياما أزاني
وهان أيماني
وموت مني يجي ألف شهيد
طب ما أنا قولت حصدق
إن العهد ده عهد جديد
عهد مواطن حارس ناسه
عهد أمان بين حراسه
عهد لا فيه قنابل دخان
وف صدري ما يسكنش رصاصه
لا نسمع بلطجي هان غلبان
وكسره بين أهله وناسه
لا خناقه مات فيها إنسان
ولا حرامي سرق شقيان
وبابي يرتاح من ترباسه
والله لأسامحك
بس أمانه
تحميني من أي خيانه
خليني دايما جوا عنيك
ولا تهين لي يوم أي كرامه
وأنا برضه راح أحاجي عليك
ولا عمري حردك بإهانه
ده إنت إبن بلدي وخوفي عليك
حيخلي بلدي دي عمرانه
وإن كان إنت في سلاح في إيديك
ده يا شرطي عهده وأمانه
و لما ربي حيسألني عليك
حقول سندنا وحمانا
ده أنا وإبن بلدي يا ربي إليك
لو بينا جرح سوا نداوي
ده أخويا وعمي وجاري
لو باعه حاكم أنا شاري