انا المصرى بتوب عصرى جعان مش لاقى حتى اكل نسيت اصلى نسيت فصلى وسيبت حقوقى تتاكل وسيبت مصيرى يتحدد .. و يتجدد ...بايد حفنه ما تستاهل بياخدو حق اولادى و احفادى وانا ساكت ومش راضى وخايف انى اتكلم ل اتبهدل واتالم عشان مش غاوى انا مشاكل كان الرزق بقى منهم .. بقى بتاعهم وطار عقلى ولو انى ...... انا فى الاصل مش عاقل لان العقل لو لسه جوه دماغى بيفكر .. و بيقرر ما كانش الحال بقى هو واسيب الجانى سجانى اسيبه هو بيفكر و بيقرر فى قصره ماشى يتغندر وانا لا مسوى ولا عامل ابص لنفسى و استغرب واحاول منها اتهرب لكن بالقاها بتقولى لفين تهرب يا شيخ جرب دا حقك قوم عليه ناضل وما تخافشى ولا تهابشى و الحق اى شىء فاضل .. يا ريت تقوم و تتنحرر تحارب زمرة الباطل