شهرزاد الثورة ..الحلقة الثانية عشر من الألف

(حته فى الميدان)
بقى عندى حته فى الميدان بتدارى فيها
يا شهرزاد بلاش جنان وأرجعى للخرابه أسكنيها
دى الثورة قامت من زمان وفرحنا بيها
يا خلق هوووووووه دى الخرابه مش لاقيه سكنه فيها
سيبولى خيمه فى الميدا أتدارى فيها
قولوا للشعب الجعان مصر قامت تعالوا أبنوا فيها
متسبوش الخلق ينام وتقولوا أزمه هنعديها
يا خلق لازم نستقر دى الثورة دوقنا عشانها مر
عشانها لازم نستمر ونعمر فيها كل شبر
مصر فى عنينا بدر نفديها بدمنا و الأزمه تمر
يا شهرزاد يا مستحيل ثورة مضاده ضدد التغيير
والخونه والبطجيه كتير ... منهج مضاد للتدمير
كفايه سدوا نفسنا لسا باقيين عالكلب الكبير
يا خلق هووووه الناس دى مش مننا ولا دمنا
باعوا شرفهم بكام جنيه عشان يبعوا أرضنا
شوفوا بقولها وألف ليه.. ليه بتيجوا ضددنا
مصر دى عرضنا ودمنا وهنطهرها كلنا بنفسنا
ومن النهرده هنبداء بجد وتبقى مصر ملكنا
تعالوا ناخد بينا عهد ننسى ماضينا وأمسنا
نزرع حلمنا كله ورد ونصحى الضمير فى قلبنا
حبك يا مصر ديما بجد تعالوا نتعاهد كلنا
من النهرده يكون دا وعد مصر محتاجه جهدنا
ونعمر السواقى ونشغل المصانع ونزرع أرضنا
نفديكى يا مصر بدمنا نفديكى يا مصر بدمنا