بالفيديو: في أغنيته الجديدة.. شعبان يتهم البرادعي بالعمالة ويهاجم أوباما

نجح الفنان الشعبي شعبان عبد الرحيم في أن يسرق الأضواء على موقع ال "يوتيوب" بأغنيته الجديدة التي حملت عنوان "25 ميدان التحرير"، التي وجهها لشباب ثورة الخامس والعشرين من يناير، وذلك بعد تعرضه لموجة من الهجوم بسبب عدم مواكبته للأحداث بنفس السرعة التي تعود عليها جمهوره من قبل.
وأبدى شعبان خلال الأغنية التي كتب كلماتها له إسلام خليل، إعجابه بالشجاعة التي تحلى بها شباب 25 يناير، إلا انه في الوقت نفسه طالبهم بعدم الاستمرار في الاعتصام خشية من تدخل بعض القوى الخارجية.
وهاجم شعبان بشده خلال أغنيته محمد البرادعي، مدير الوكالة الدولية للطاقة الذرية السابق، والرئيس الأمريكي باراك أوباما، وطال هجومه كذلك قناة "الجزيرة" الفضائية، التي اتهمها بأنها تهاجم مصر لتلقيها لأموال من جهات تكن العداء لمصر.
وعلى الرغم من ان عمر الأغنية لم يتعد 24 ساعة على موقع "يوتيوب" تعدت نسبة مشاهده الأغنية السبعة آلاف شخص، ومن المتوقع ان تزداد بقوة خلال الساعات المقبلة.
وتقول كلمات الأغنية:
25 ميدان التحرير.. يوم حنعيش نفتكره كتير
عايزين بقى نفتكره بخير.. ونعيش ونفرح بالتغيير
يا برادعي ياللى مولعها.. كبر دماغك وسعها
كفايه العراق واللي عملته.. دي مصر مش حتوقعها
شبابنا ده عاقل وكبير.. ياللي في ميدان التحرير
العالم متربص بينا.. وشعبنا بقى وضعه خطير
عملتو ثورة جميله بجد.. بشكل حضاري معملهوش حد
بس في ناس بتقيد في النار.. وعايزه اللي عملتوه يتهد
مشاكلكوا حتتحل قوام.. ومفيش مسئول تاني حينام
ارحموا مصر ده ربنا نفسه.. خلق الدنيا في 6 ايام
وقفتكوا في ميدان التحرير.. خلت ناس تشمت وكتير
وناس ليها مصالح خاصة.. نطقت بعد ما كانوا صراصير
ثورتكوا اهدافها قوية.. عايزين عدالة وحرية
لما دخل بينكوا الاحزاب.. قلبت بفوضى وهمجية
اهالينا كلها مخنوقة.. فرحتنا صبحت مسروقة
متسمعوش من حد غريب.. دي ناس دخيلة ومزقوقة
دي خطة قعدوا ورسموها.. عشان بلدنا يهدوها
شوفوا الجزيرة بتعمل أيه.. بتساعد اللي بيدوها
قاعدين بيكبروا في الحكايات وكل يوم فتنه وإشاعات
متدهومش الفرصة كفاية.. ده الميدان مليان كاميرات
صورتكوا كانت ضوء أخضر.. أشرف من العملا وأطهر
بلاش تمشوا ورا الكداب.. واسمعوا لشيخ الازهر
يا شبابنا يا ضي عنينا.. العملا كترت حولينا
وقفتكوا في ميدان التحرير.. حتفرج الدنيا علينا
كفاية كده خليكوا واعيين.. في عملا بينكوا لناس تانين
هما اللي ولعوا في الاقسام.. وسيبوا عليكوا المساجين
حرقوا في مساكن ومزارع.. دخلوا البيوت نازل طالع
عشان شرفنا وأهالينا.. وقفنا كلنا في الشارع
يا شبابنا فكر وأتحرك.. دول وقفوا وسطينا بالمرة
حيخربوها علينا وهما.. ليهم فلل وقصور بره
خلاص حنبدأ عهد جديد.. ولا توريث بقى ولا تجديد
سيبوا الحكومة تشوف أحوالنا.. ده مفيش حد في بيته سعيد
متقلبوش الفرحة كابوس... واوباما أفندي علينا يدوس
فرحنا قوي باللي عملتوه.. بس لو زادت حنلوص
حاجات كتير منها شكينا.. والمسئولين قسيوا علينا
لكن في حلم بيتحقق.. بلاش نضيعوا بايدينا
....
لكن في حلم بيتحقق.. بلاش نضيعوا بايدينا
بلاش نضيعوا بايدينا
بس خلاص