من الليله.. بقلم محمد مصطفى الهلالي

من الليله..
..... مفيش أحلام
هتنام بالصمت المطلق
هنقيد النور علي حلمك
يتحرق الوهم المسبق
هنطهرلك أحلامك
من شوفت ولسه مشوفتش
فمفيش اوهام عن ثوره
المولد عدي بزفه
مولانا ركب ع الهودج
ونهبنا الحكم ف مركب
فمبنقررش سيادتك
ولا نحسب أمتي هتهرب
السلك محاوطك اوعي
احسن بالليل تتكهرب
القائد خلي المخبر
يمسح في الليل أحلامك
************
ماهو مش هنحير اهلك
لو قومت وشوفت النور
يمكن يتحقق حلمك
وترص الهم طابور
يجوز تفتكر الماضي
تتمرد ع الموجود
او تتمترس في اللجنه
وتقول قاضي وصندوق
اخواتك كسبو في زحمه
شلناهم تحت وفوق
وان وقفو ف رابعه شويه
هدينا في رابعه السور
القائد امر المخبر
يكسر أكباس النور
***********
هنرد الصورة لذهنك
ونعيد من اول دور
وتقوم م الصبح تغني
وتبارك للمولود
وف عز الحر تشتي
وتصيف لما نقول
وتحط الفوضي شعار
الفكر زمانه اتخلف
مبقاش بيجيب افكار
القائد امر المخبر
************
بالصمت هتبقي ردودك
متفكرناش بالرغي
مش لخمه ورق وديباجه
وساعات بتضيع وقت
السرعه كمان مطلوبه
احنا بيكرهنا الصبر
القائد خلي المخبر
يحسب بالصمت العمر
**************.
هنعيد أفلام أسلافك
هنغير بس الوش
وهتضحك غصب ان عنك
لو عندك وصله ودش
راح تحسبهم إبطالك
وتصقف لما هتورم
وهتنسي مكان أحزانك
القائد أمر المخبر
انه يضيق أفكارك
*************.
وودانك مالهاش لازمه
الا لو ليك نظاره
هنخلع نني عيونك
لو مدت شوف مترين
وامبارح زي اليوم ده
والسابق زي اللاحق
ومفيش ف الوقت مرارة
تتحمل رأي حرارة
أمثاله ف الزنزانة
فاكرين الثورة شطاره
الثورة كبيرها تحسن
أوضاع الاخوه جيرانك
القائد امر المخبر
مايوقفش الطيارة
*************.
وجيرانك صهين عنهم
مبقاش في العمر كتير
احسنلك تطلع دوغري
وتسيبك م التخمين
"القدس شعار ارهابي"
وحماس مش وش نضال
الوقت خلاص اتغابي
ومتفتحش الجورنال
هتشوف اخبار مش حلوه
عن غزه وشغل حماس
دي عيال مش غاويه فراق
ياتسلم غزه وترحل
ياتكون في العركه رفاق
القائد امر المخبر
يتداري في الانفاق
*************.
هتنام مرتاح متهني
وهتهدي بلاش اوجاع
كان نابهم ايه اصحابك
جابو للوقت صداع
مش كنت تسيب احمالك
وتعدي خفيف ل الاحمال
كل اللي اتظاهرو انكمشو
مافاضلش غير الاشلاء
الطلقه مبتفرقش
بين طالب او افاق
كل اللي يعارض مغرض
ارهابي قليل الحيله
بيدمر مصرالحلوه
فبلاش تتقلد منه
وتسهلو المواضيع
غيرك ركبته اوهامه
نام يحلم قام مذعور
وفرنا عشانك بكره
بهواده ومن غير دور
الحاكم امر الدنيا