مهما يطول البعد ...... بقلم / سيد منيرعطيه

لما القمر يغيب
أدور على الحبيب
بين النجوم ف السما
حاضن نسمه هواه
افتكر لحظه لقاه
يتوه منى الكلام
حروفى ملاها الخوف
كل الكلام معاه يدوب
لحظه ما يجمعنا القمر
نمشى الخطا
نعشق الدفا
عمرى معاه إبتدى
لحظه لقاه
ياخدنى حضنه بلهفتى
بين حنانه ودنيتى
وأتأمل الليل معاه
شكل تانى
حضنه أمااااانى
قربه حلم زمااااانى
بسابق كل النجوم
وأخاف من الهوى يبعده
مهما تبعدنا المسافات
واتوه بين الدروب
حبك مكتوب
يا قمر الليل الحزين
افرح معايا
حبيبى مالى حشايا
غير حياتى
زود أهااااااتى
خدنى لهواه
دقات قلبى معاه
حاضنه شفايفه
وقت الكلام
بلسم حياتى لقاه
حلم عمرى ومنتهاه
مكتوب على قلبى حبك
مكتوب على دمى إسمك
مكتوب أعشقك
وأحلف بعمرك طول الحياه
مش غريبه عليه أحبك
مش غريبه تتسرق حياتى
وأرتضى هجرك
مالك بأيدك نبضى
عايش قريب منى
كأنك وجع ملازمنى
حالف أعيش قريب منك
حالف أكون الحبيب يمك
مهما تبعدنا المسافات
انت قريب
انت الحبيب