يعني خلاص !! ...... قصيده بقلم محمد المصري

يعني خلاص !!
مات الأمل زاد الألم
حاسس بخنقه يا ناس
كل حاجه حلمت بيها إنتهت
كنت فاكر إن حياتنا إبتدت
وأنا ذنبي إيه أعيش هنا
و الفرح مش مكتوب لنا
صعب اللى راح يرجع لنا
كان ملاك عايش هنا
لا دمع العين هترجعه
ولا ألم القلب هيسمعه
الحلم خلاص ضيعه
جه اللى هيقدر يمنعه
كان لازم أعرف من البدايه
بنيت بإيدك بينا سور حديد
مهما إتواصلنا مافيش جديد
بعد اللى حصل جرحك بيزيد
وقلبي عنيد
بيرجع يحبك وأنت بعيد
تعرف
لو متأكد إنك هترجع هستناك
أأأأأأه لو تعرف قد إيه أنا كنت بتمناك
مكنتش هبقي هنا وانت هناك
حياتك مع غيري تبقي هلاك
إدمرت وبعترف
إني بقيت شخص مختلف
الحلم بقي كابوس
يهز قلبي ويرتجف
خلاص
مابقاش يفيد الكلام
مات الحلم من زمان
الحياه بقت حرمان
مهما حاولت أكون بخير
القلب إنجرح تعبان
والعقل تايه مش دريان
لكن جوايا مش هيموت
حلم اعلي صوته سكوت
ودمعه محبوسه مكسوره
راسمه ليكي في ضيها صوره
جوا قلبي مليون اااااااااااه
وكل جرح فاتح جرح جواه
لكن مش مصدق !!
يعني خلاص !!
قلبي واجعني
حاسس بخنقه يا ناس