تحول الافتراضى الى واقع

بقلم ماجد زايد
ماذا بعد ما يتحول الافتراضى الى واقع..؟
فى البدايه نوضح ايه هو " الافتراضى ".
او اصح اكتر .." العالم الافتراضى " و ببساطه هى مواقع التواصل الاجتماعى " تويتر و فيس بوك " . و المواقع ديه كل واحد واخدها لهدف معين فى دماغه و هى حسب العقل و الفكر للانسان او صاحب " الاكونت ".
- يعنى مثلا فى اللى قاعد لوحده او متوحد زى ما بيقولو بتوع علم النفس يعنى عنده مرض " التوحد " ده بيبقا داخل عشان يتكلم مع الناس احسن ما بيتكلم مع الحيطان من حواليه .
- و فى المثقف اللى عنده اراء سياسيه و عاوز يتابع العالم من حواليه ماشى ازاى و تطورات الدول من حواليه و دول اغلبهم بيكونو على تويتر .
- نروح بقى عند اللى انا بسميه " الاستخدام الامثل " للمواقع ديه و هى التواصل مع من لا يمكن التواصل معاه ..!؟
مش صعب السؤال على فكره زى اساتذه علم النفس و الاجتماع و الصحفيين و الاعلاميين و الاستارز عمتا انك تقدر تاخد من خبرتهم و تضيفها لنفسك و تطور بيها عقلك و اخلاقك و مبادئك و حياتك .
- فى بقى النوع اللى انا عن نفسى مش اخاف على نفسى منهم ابداااااا اخاف على اصحابى منهم و دول اغلبهم بيكونو مرضى من جواهم و بيتعاملو مع التكنولوجيا على انها " عاهرة ".
من الاخر يعنى واخدين النت على انه للحاجات الوسخه بس و اعذرونى ما لقيتش اوضح من المعنى ده فى المفردات و دول ممكن يكسبو ثقتك بالكلام و بعدها تكتشف ان كل اللى انت عرفته عن الشخص ده حتى لو حاطط صورته و عنوانه و مكان عمله و ارقام تليفوناته الا انه بيكون فى الحقيقه حاجه تانيه خاااااااااالص عن اللى هو عرفهولك عن نفسه .
و التكنولوجيا زيها زى اى علم او اختراع ابتدى حوالينا اما يمين اما شمال اما تستخدمه صح او غلط المهم انك ما تديش الثقه الكامله من فتره قليله و لازم اللى انت بتتكلم معاه تكون حطيطه فى عدة اختبرات عشان يستحق ثقتك التامه الكامله فيه و فى علاقات كتير جداااااااااا نجحت من خلال المواقع الاجتماعيه ديه بس برده لازم الحزر من انك تقع فى حد ما يكونش محل الثقه منك .. و بس كده
باختصار انا من الناس اللى بتتعامل مع التكنولوجيا ديه و بصراحه عن نفسى اشجع تويتر لانى مؤمن بجمله ان " خير الكلام ما قل و دل ".
او بالبلدى احب اجيب من الاخر الكلمه و رد غطاها انا عن نفسى بستخدمه عشان كل اااااااالاسباب اللى فاتت ديه بس اولها انى بكون مع الحدث اول باول و مش هنا فى مصر بس بالعكس لحد سيبيريا ممكن اعرف ايه بيحصل هناك و ساعات بكون بسبب ظروف الشغلات اللى اشتغلتها اكون قاعد لوحدى اقوم فاتح النت اتكلم مع الناس اما المواقع الاباحيه و انى اقعد احب فى واحده او انى افكر اصطاد واحده من على النت فاهمنى طبعا ف مش فى دماغى سنى صغير صحيح بس اتربيت فى بيت صح عشان ما نبعدش عن الموضوع فى اللى لقيتهم كلامهم بجد و دلوقتى احنا اصحاب حقيقى فى الواقع و بنتقابل و بنتكلم كمان و بنطمن على بعض دايما و فى النوع اللى دايما حذرتكم منه ال siko زى ما بيقولو او المتطبعين زى ما بنقول اللى بيعشقو الكدب و بيكونو شخصيات من خيالهم دول بيكونو مضطربين نفسيا ما تضمنش لو امنت له ممكن يعمل معاك ايه اللهم بلغت اللهم فاشهد و انا مش هقول لكم انى فلوطه و انى عمرى ما اضحك عليه بالعكس انا عشان كتر الضحك عليه كونت خلفيه عن اللى صح و اللى غلط و اللى يصح و اللى ما يصحش و ايه نوع الكلام اللى يكون مع انثى او مع ذكر و انى احترم كل الطوائف و الاشكال و الالوان ليه بنمشى دايما مع التيار و بكده وصلت اللى كنت عاوز اقوله ليكم .
هى مش قصه اعتبروها روشدته عشان تعرفم تتعاملو مع التكنولوجيا حاليا خصوصا اننا خلاص بقينا داخل الفقاعه جوه النظام و السيستم العالمى و ما ينفعش ما نستخدمهاش لكن بحذر ...
ماجد زايد