قول حاحا ....... قصيده بقلم مصطفى محمود ابو ابراهيم

قول حاحا
مش إختبار للسكارى
ولا رأى فى سياسه
قول حاحا
مش كدب ممنوع
ولا كلمة دباحه
قول حاحا
مش ناتجه م الهم
ولا حتى ف جراحه
قول حاحا
مش إنتباه يابلد
ولا خمسه فى سياحه
قول حاحا
مش إغتصاب للعداله
ولا قسوه ببجاحه
قول حاحا
مش جوله فى إعاده
ولا تزوير فى إراده
قول حاحا
مش ضحك ع الشعب
ولا نظره بسماحه
قول حاحا
مش قمه عربيه
ولا حتى تفاحه
قول حاحا
مش دمعه على شهيد
ولا أم مرتاحه
قول حاحا
مش حد قال الزور
ولا كرسى فى رياسه
قول حاحا
الكل عنده دليل
ودليله فى إعاره
قول حاحا
وديب كمان وغريب
يحكمنا بغلاسه
قول حاحا
كل الميدان مفروش
بجناجر صداحه
قول حاحا
السارى رافض العلم
ورايتنا سواحه
قول حاحا
ودمعه فوق خدين
طمعانه فى صراحه
دى حاحا للمسكين
ولقلب مات وحزين
مقتول فى الساحه
وقوووووول حاحا
حاحا دى قسوه وذل
ودموع آاهات بتطل
ونهارنا غاب للكل
وعقول كدابه ببجاحه
وقوووول حاحا
[Share/Bookmark]