العسل المالح‎ .... بقلم صالح شيحة

الصح إوعى تعمله وإمشى غلط أحسن
إمسك ضميرك إقتله وإوعى عليه تحزن
بطل تقول الحق شفت الغلط صهين
أصل اللى قال الحق قالوا عليه إتجنن
لو شفت يوم الغلط قدام عينيك واضح
غمض عينيك عنه وإوعى تكون صالح
أصل الفساد فى البلد عالى قوى وطارح
والدنيا حالها إتقلب وعسلها بقى مالح
أحسن تكون ظالم إوعاك تكون مظلوم
إظلم فى خلق الله علشان يجيلك نوم
ده اللى بيسرق وينهب فى زمنا ده بيعوم
واللى يمشى عدل إخيه يا عيب الشوم