تعيشي يا دولة ..... بقلم / حسن البدوي

تعيشي يا دولة .. في الحب دولة ...
في القلب دولة
والله لولا..................حبك ياغالية
ما أقدرش أعيش ما أقدرش أعيش
تعيشي يا دولة حرة وقوية .....
درة وبهية
وفي تراب ميدانك أموت أعيش ما يكفنيش
وان جار زماني أموت مكاني وتبقي دولة
في قلبي أحلى ولا تزعليش
ولو في يوم .......... بطلت احبك
أكون ميت أكيد .... أكون ميت أكيد
والموت كرامة عز وعلامة
نموت شهامى من غير ندامة وماتهونيش
في الصبح طالع أحمي الكنايس ويّا الجوامع
أملى الشوارع حب وكرامة
وهية هية وحدة أزلية .. وحدة وطنية
من غير فراق ومن غير نفاق
وبالاتفاق هانبني دولة
أصولها واحدة ونعيش في وحدة
قلوبنا واحدة
فرقة وتعصب مايرضنيش
في الصبح نازل لو فيه زلازل
أحمي ترابك.. ويّا حدودك.. وتعيشي زهرة
حلوة وندية وتبقي دولة يانور ياسمرا
ومن غير تردد أموت أعيش مايكفنيش
أرض الكنانة أرضك أمانة
ومن غير خيانة نكون في وحدة
همومنا واحدة
وتكوني دولة يا أحلى دولة
عايزين رئيس يكون أمين
يمحي الهموم ويّا الأنين
يعدل مابينا ويشيل همومنا
يرضي الفقير ويّا الأمير
لايكون جبان ولايوم مهان
جريء وشاطر
يفرد قلوعك يمسح دموعك
يفضل يحبك ويحب شعبك
يحمي الحدود يبني السدود ويّا القناطر
وتعيشي دولة في قلوب ولادك
نحمي جبالك ....... ويّاهضابك
نحمي سماكِ ........ ويّانهارك
عايزين حرية... عدل ووطنية
سُلطة شعبية سُلطة وطنية ويّا قضائية
شورى وتعدد من غير تكويش
ومن غير تردد نموت نعيش وتبقي دولة
والله لولا ............. حبك ياغالية
مااقدرش أعيش ..... ما أقدرش أعيش