حق الشهيد مش تعويض حق الشهيد قصاص اكيد....مصطفى محمود أبو إبراهيم

وليه حزانى يامصر
كلنا عشانك
فينك يا ست الحسن
أيه بس جرالك
معقوله يأم الأمم
الحزن موالك
فيك الفقير بردان
من قسوة الظالم
دعوه فى جوف الليل
وربك العالم
وفين حسين سالم
قول ياطنطاوى
وفلوسنا راجعه لنا
ولا انته مش ناوى
عاوز تاخدنا لفين
لهم وحكاوى
ولا نروح للغم
ونقوله يامداوى
معقول جريح ياخلق
يصبح كده حاوى
ولا فقير بالظلم
لحنه كده عالى
مظلوم ياأهل البلد
والظلم عنوانى
زى كل الناس
ولا حتى أقدر أنول
حروف بكل احساس
فقير بكل اللغه
ماسك بإيده مداس
داخل لبيت ربنا
يبكى أعز الناس
إبنى مات م سنه
طالب يارب قصاص
واللى يقول تعويض
بأيه يعوضنى
يارب إنته ال عالم
باللى جرى لإبنى
صحبه قال ياعم
دمه معذبنى
إبنك شهيد الهم
الجثه واقعه صحيح
والدم اصبح يم
فى ناس تقول الشهيد
والله ماعندوش دم
يحكوا يقولو الرئيس
مظلوم ولينا عم
وناس تقوله يابابا
إحنا كده بنندم
معقول إبن الظالم
يصبح كده أكرم
فى الأصل من غير أصل
بجح ولا بيتلم
طالب قصاص م السما
يارب عدلها
واللى قتل إبنى
يجرب كده نارها
يحس بيها فى إبنه
ويعيش فى أحضانها
جريحه يا بلدى
والجرح ليه صابك
أيوه حزانى يامصر
كلنا عشانك
فينك يا ست الحسن
أيه بس جرالك
معقوله يأم الأمم
الحزن موالك