الفيس بوك...بقلم مصطفى محمود أبو إبراهيم

دخلت على الفيس بوك
لقيته ياناس عكاظ
فيه الكلام والفن
حِكم كمان ألغاز
فيه اللى بيضحك
واللى يبيع الجاز
مش جاز جاز لا
ده كلام مجاز
واللى بيبكى
على إمبارح
واللى سارح وجارح
كما المرسوم
واللى عليه اللوم
مانام من كام يوم
عاشق لكن مهموم
واللى تقول الله فى التعليق
والله لها ألف معنى
واللى طالبه تتهنى
عريس يكون المهنه
كده حاوى ويداوى
واللى زيى أنا
بياع كلام للهنا
يحكى كلام حساس
ومعنى الإخلاص
لكن بيتعلم
كل يوم م الناس
يمكن يجيله يوم
ويكون راسى
والحزن ومآسى
مانا كنت ناسى
الجرح فى قلبى وعينيا
لما إتقتل اللى
قال حريه
ايوه حريه لبلدى
وحريه كمان ليا
عاوز كمان اصرخ
فى كل الدنيا ديا
معقول ياناس
مصر كده تايهه
وفى كل مره
ياخدنى الطوفان
على جرح ويعلم
مصر ياأم الأمم
شعبك بيتعلم
مكتوب عليك يابلدى
حزنك ما يتلملم
مابين حاكم ظالم
ونخبه خاويه
لكن غاويه تتكلم
جرحك ياسمره عنيد
كل الجروح بتطيب
لكن يامصر أكيد
للخاين ما بنسلم
أبكى عليك أنا
وجروح متعلمه
هناك ف فلسطين
وف العراق مشكله
محتله متأسمه
ولاحد عاوز ينطق
دى أمه مستسلمه
حتى كمان حكامنا
تاهو من دربنا
ياناس بؤم زينا
لا حول ولا قوه
ولا ياناس صدام
كان أخر رجالنا
شنقوه كلاب أمريكا
وكان فى يوم عيدنا
من يوم شنقه ياناس
إتعدموا حكامنا
معقول نفضل كده
نبكى على حالنا
ولا نقول يارب
توهنا فى ترحالنا
ولا نقول يانبى
شوف اللى جرالنا
ولا نقول ياعمر
نصرخ نقول جيرنا
احوالنا مستعصيه
حتى على ولادنا
الورث صبح الهم
يارب ارحمنا
قالوا سلام والنبى
راح السلام خانا
الموت ورانا ياناس
والوكسه قدامنا
كله كلام فى كلام
يارب قدرنا
نخرس كده للابد
يمكن يروق حالنا
ولا يجينا الموت
والموت يطهرنا
الأمه متفرقه
دى كرهت اللامه
شمس الكرامه فين
غايبه أوى عنا
حريه راحت فين
شمتانا عزالنا
يمكن تجينا يوم
لوحتى ف احلامنا