اهداء الى اى دوله ظالمه

بقلم : احمد عبد الله ( كابتن احمد )
يا دوله العدل ليه بتعلى اسوارك
يبقى انتى عدلك وهن...؟
والظلم كان جارك
عللى ف سورك وعلى السور لفوق خالص
من بكره يتهد سورك والجميع جارك
لو عاوزه تحمى البلد وبجد تبنى فيه
قومى اصلحى ف البلد
او هدى ف جدارك
العدل هو السند للناس دى من بعدك
والسور ده راح يتهدم
وتشوفى فيه عارك
اظلم واظلم انا مبقتش اخاف منك
منا كنت ميت ودايق من زمان نارك
يا دوله العدل ليه بتعلى اسوارك
يا دوله العدل عللى الصوت كمان اكتر
الشعب هو الملك والظلم يتكسر
انشر ف عدلك واوعى تخاف من الفاسد
عللى ف صوتك واوعا الثوره تتبخر
الرائ رايك يا شعب الثوره كون راجل
والحكم حكمك ومش بحكومه العسكر
قوم خد ف حريتك كمل ومتنمشى
متقلشى هانت وهو شئ ومتقدر
يا دوله العدل عللى الصوت كمان اكتر
يا دوله الظلم كفايكى وبذياده
احنا اللى اهل البلد والشعب ده الساده
بتحللو ف دمنا وتقولو كالعاده
وبتقتلونا وعاملين روحنا سجاده
وتعرو فى بنتنا تدوها ببياده
يا الف عار ع البلد فيه الكريم يتجلد
والظلم بقا عاده
يا دوله الظلم كفايكى وبذياده
يا دوله العار كفايه رعب وبلاوى
فيكى اللى غاوى وفيكى ع الدمار ناوى
فيكى اللى بيدمرو فيكى اللى بيداوى
فيكى اللى بيخربك وبطبل وغناوى
فيكى اللى يتفرجو قاعدين على قهاوى
فيكى اللى راح وانتخب..اخوان وسلفاوى
سابو البلد تتحرق...ويبوسو طنطاوى
يا دوله العار كفايه رعب وبلاوى
يا دوله الذل امتى تصحصحى شويه
ضباطنا فضو البلد وبيمسكو ايديا
دبوره فوق كتفكم وبتحمو ابنيه
والدم من وشكم بقى ليه صبح ميه
خرطوشكو راجع لكم والدم ده دمكم
والنعمه من وشكم هتروح ومش جيه
يا دوله الذل امتى تصحصحى شويه
وعجبى