البلطجى و المواطن

بقلم : خالد عبد الرحمن
في احدي ليالي القاهرة يوم 25 - 1- 2012
كان المواطن المصري يمر بإحدي الشوارع الراقية الهادئة وعلي قارعة الطريقالمظلم كان البلطجي واقفاً لسوء الحظ .
فقام البلطجي بمهاجمة المواطن بمنتهي الوحشية وقال :
ابرز يا خفيف بكل الفلوس اللي معاك يا سيد امك
فرد المواطن وهو مذعور جدااا:
من غير شتيمة كل اللي في جيبي عشرين جنية وجيبي التاني 2 جنية
فقال البلطجي : خد ال2 جنية دول , مش بحب اشيل فكه
ثم خطف البلطجي ال 20 جنية ونظر إليه باستنكار وقال :20 جنية دي شكلها ولاكأنها طالعه من بؤ كلب , ثم أكمل كلامه بعصبية شديدة وقال : طلع ياااااااض موبيلك
المواطن بمنتهي الاستسلام والخوف : خد يا باشا
البلطجي مندهشا : إيه ده نوكيا 3310 لا يا خفيف ميلزمنيش أنت عاوز تفضحنيوسط زملائي البلطجيين , واقلع الجاكت اللي أنت لابسه دا ياااض
المواطن بخوف : اهووو أتفضل لسه شاريه من 3 شهور من "التوحيد النور"ب65 جنية
البلطجي نظر اليه بمنتهي القرف وقال : دا جاكت دا وحتي جزمتك شكلها يقرف , وشكلك كمان مش مريحنيوريني ياض اللي في جيبوك
فوضع البلطجي يديه في جيوب بنطلون المواطن لتفتيشه
البلطجي : إيه دااا
المواطن : دي رجلي
البلطجي مستعجباً : حتي جيبوبك مقطوعة !!!!!!
فاشتعل البلطجي غيظاً ونظر إليه باحتقار وقال: أنت شغال إيه يااض ورينيبطاقتك
فأعطها له المواطن بكل استسلام وانكسار
فقال البلطجي ضاحكاً : يا نهارو أنت مدرس ... يعني بتاع دروس
المواطن : لا أنا مدرس ألعاب
البلطجي : ياااض دا شكلك ميجبش حتي كوره شراب وايه اللي جابك في الشارع دا
المواطن : اصلي الصبح مدرس وبعد الظهر كاشير في سوبر ماركت اللي في أخرالشارع
البلطجي : يعني بتشتغل شغلنتين وكمان مفلس وعدمان
المواطن : اعمل إيه اكتر من اني نزلت الثورة واعتصمت
البلطجي ... هأاو منا نزلت برضه يا خفيف بس حسني مبارك ابن لاعيبة سابهلينا استيكة
وال إيه شكلك وأنت جاي من بعيد أفندي وعليك القيمة وابن ناس وقلت هعمل مصلحة جامدة واتضح ان كلك علي بعضميساويش 100 جنية
فزنق البلطجي المواطن ورفع سلاحهالابيض في وجهه وقال له : يعني ضيعت وقتي وكمان مش هطلع منك بأيتها مصلحة , انتاللي زيك ليه عايش في الدنيا دي انا هريحكمنها
وهنا استيقظ البلطجي من كابوسه المزعج
البلطجي وهو يتنفس بصعوبه : اعوذبالله من الشيطان الرجيم الحمدلله طلع كابوس
ثم قام البلطجي مسرعا من علي فراشه ليتجه لوالده البلطجي الكبير وقامباحتضانه وتقبيل يديه ورجليه وهو يقوله : ربنا يخليك يابا ان مدخلتنيش مدارس ولاكليات ولاخلتني ال افندي محترم بتاع شهادات