أسرار تكشفها صحفية في خداع يسري فودة للناس حول منع برنامجه .. ومحاولته عمل بطل من ورق

الواقع : لقاء سعيد
كشفت أسرار وقف يسري فودة لبرنامجه ، في مقالة بعنوان " حقيقة يسري فودة بخصوص منع حلقته" بقلم رحاب السيد صحفية ومذيعة براديو اليوم السابع حيث كتبت الآتي:
" عايزة أقولكم علي سر المجلس العسكري لم يتدخل من قريب أو بعيد في منع حلقة علاء الأسواني ويسري فودة هو الي عامل الحركات دي كلها....ححكيللكم الحقيقة في موضوع يسري فودة وامري لله تابعوا التويتات دي بس أحب أكد اني بحب يسري وبحترمه بس أنا مبحبش البطولات إلي من ورق....أول الموضوع بدأ لما يسري فودة كان طالب مقابلة أعضاء المجلس العسكري في البرنامج بتاعه ومني الشاذلي برضه كانت طالبه المقابله هي وإبراهيم عيسي.....المجلس العسكري اختار انه يعمل حوار مع مني الشاذلي ورفض مقابلة يسري فودة واختار إبراهيم عيسي بالاسم عشان يشارك الحلقة مع مني......فودة اتجنن لما عرف أن المجلس حيعمل مقابلة مع مني واختار إبراهيم عيسي وهو لا وحتى مرضيش يطلع حلقة يوم حلقة المجلس العسكري وقال لالبيرت مش طالع......اليوم الي بعدها قال حيعمل حقلة يعلق فيها علي حوار المجلس العسكري وحيجيب علاء الأسواني فالبيرت رئيس القناة قاله مش عيب نعمل حلقة عشان نعلق.....علي حلقة برنامج تاني دي محدش عملها في الدنيا قام فودة اتنفض وقاله هذا تدخل لا اقبله انتي حد من الجيش طلب منك كده قاله لا والله انا الي بقول راح فودة زعل وكلم الأسواني وقاله مفيش حلقه النهاردة وحكلمك بعدين راح الأسواني قال في الصالون الثقافي بتاعه إن الحلقة اتلغت بضغوطات من المجلس......والدنا اتقلبت عشان يسري والبيرت كلمه قاله أنت بتحرجني ليه تعالي اطلع بالحلقة انا مقولتلكش متطلعش وعشان كده اون تي في قالت محدش ضغط علينا....الفكرة من الحوار إن محدش يعمل من حد بطل انتهي عصر الالهة .. ونصيحة مني متبهروش بحد قوي كده عشان متتصدموش....والله العظيم بقولكم الحقيقة ومن ناس مقربين .. يعني المجلس العسكري مواقف غريبة آه بس مش للدرجة دي ومش حيعملها مع يسري فودة