هل انا مرضة .. اتعلق بالحب بسرعة واتركه بسرعة

نقلتها : لطيفة سالم
السلام عليكم .. احببت أن أطرح مشكلتي لاني ما ادري شو أسمي ووضعي بالضبط !! هل أسميه مشكله أو حالة نفسيه او مرض !! بصراحة مشكلتي بإختصار هي إني تمر علي أوقات اتعلق فيها بشخص معين .. وأتمنى طول الوقت إني أكون معه .. وأحاول بأي طريقه إني أسعده وأخليه مرتاح .. ويكون همي وشغلي كيف أرضيه .. يعني أحبه حب شديد وأبديه حتى على نفسي .. وفلحظة يروح كل هذا التعلق .. ويصير هالشخص بالنسبه لي شخص عادي ماكاني حبيته وتعلقت فيه ف يوم .. وبدون مايخطي علي .. كذا مني ومن نفسي أحبه ومني ومن نفسي أتركه ... وطبعا أبدأ بعدها أتعلق بشخص غير .. ونفس الشي تكون معاملتي معه .. يعني بإختصار شديد .. أنا اتعلق بالناس فجأه وأتركهم فجأه وبدون أي خطا يعملوه .. وهالشي مأثر فيني كثير .. خاصه انه بعض الناس يحبوني بصدق .. ولما أتركهم يتأثرو من تصرفاتي .. أتمنى غنكم فهمتو علي .. ورجااءاا إنصحوني شو أعمل .. كيف ممكن اتخلص من هالحاله .. وشاكره لكم ...