‎" هيا بنا إلي الميدان .. 9-9 .. "

بقلم : أحمد أسامة
أنا ضد المجلس العسكري .. و مش طايقه .. بس أما واحد يجي يقولي من ضمن مطالبنا يوم 9-9 إسقاط المجلس العسكري .. هقوله مش نازل .
- أنا لو نزلت 9-9 هنزل أقول يا مجلس يا عسكري .. لا لمحاكمات العسكرية.. الانتخابات في ميعادها .. لا للمبادئ فوق الدستورية .
- حاجة عجيبة وغريبة .. اللي بيقولو عايزين المجلس العسكري يمشي .. هما نفسهم اللي بيقولو الانتخابات تتأجل ..!! .
- اللي عايز المجلس العسكري يمشي ..يبقي الانتخابات في ميعادها .. وربنا المجلس هيمشي بعدها .
- علي فكرة .. اللي هيهتف ضد المجلس العسكري .. أو هيشتمة .. الجيش هيلبسه في الشعب وهيسلمة تسليم أهالي .
- اللي بينتقدو الجيش بيقولو أحنا بننتقده لآنه بيلعب سياسة .. كلامهم صح وميه ميه .. انا موافق أوي .. طيب انت مبتلعبش سياسة ليه .
- عشان تضمن حقكك في الفترة الجاية وتضمن مكان في مجلس الشعب وتعبر عن رأيك .. أنزل أتواصل مع الناس في الشارع ونبههم ووعيهم .
- اما تحصل الانتخابات و متنجحش متجيش تعيط .. هتلاقي الاخوان في المجلس .. وحقهم .. الناس شغاله سياسة زي الفل .
- من وجهة نظري اللي فاكرين ان ليهم شعبية لآنهم طول النهار في برامج التليفزيون و مطلوبين في الاعلام .. هقولهم بعد الانتخابات " شكر الله سعيكم " .
- أعتقد أيضا أن الجمعة 9-9 متكونش في التحرير و لا في أي ميدان .. الجمعة القادمة في شوارع و حواري مصر من أجل توعية سياسية .
و الله من وراء القصد و هو الهادي إلي سبيل الرشاد
أحمد أسامة
ناشط و مدون