فيديو.. الأسطى زلطة يزور مبارك في المستشفى

الأسطى زلطة
كتبت – سارة عزو
الأحد , 14 أغسطس 2011 14:23
تداول نشطاء على موقع التواصل الاجتماعي "فيس بوك" والموقع الإلكتروني "يوتيوب" مؤخراً مقطع فيديو بعنوان
"الأسطى زلطة يزور مبارك في المستشفى"، وهو مقطع يصور شابا مصريا مؤيدا للرئيس السابق حسني مبارك ويعاني من إعاقة خفيفة، يقوم بتجهيز الطعام ووضعه في "توك توك" لزيارة مبارك في المستشفى.
وعلل الأسطى زلطة رغبته في ذهابه لمبارك قائلا:"حبسينه في رمضان، ومش مدينله حتى منديل يمسح به مناخيره، هو الراجل ده مش جعان وصايم وكل شوية يبص في الساعة عشان الأذان، هيفطر على مائدة الرحمن ولا إيه؟!، قلت أعمله لقمة وأروح أوديهاله، عملتله الأكل اللي بيحبه عملتله شوربة كوارع ومكرونة بالبشاميل وملوخية عشان كان شكله هفتان".
وأضاف زلطة :"عمر رمضان جه حر كده، أهه الثورة قامت ورمضان جه والدنيا حر، انتم مش عارفين كان هيعمل ايه؟ ده كان هيخلينا نصوم في الطراوة من المغرب للفجر عشان رمضان جي حر السنة دى"
وتابع :" بعد ما عملوا الثورة دي وانا مش لاقي شغل جبت التوك توك أنا و10 أصحابي عشان نشتغل عليه، وبمشي به في أي حته هو فيه حكومة في البلد !، لو حد كده وداه السجن احنا هنروح نجيبه، ومش هيروح المحاكمة كفاية عليكم شفتوه مرة واحدة، هو زي رمضان كده بيجي مرة واحدة".
والجدير بالذكر أن الأسطي زلطة هو نفسه الناشط السياسي مدحت شاكر، وهو شاب مصري موهوب في التمثيل، تم اعتقاله في 23 يوليو 2008 في أحداث القضاة ضمن14 عضو من 6 أبريل تم اعتقالهم على كورنيش الإسكندرية.
شاهد الفيديو
;feature=player_embedded