الأقوال المستباحة في النقد والصراحة

إلي رجل الأعمال هشام طلعت مصطفي
الفلوس تعمل عمايل
ياما بتسوّي الهوايل
تخللي ناس في السجن نايمة
وناس في بحر الهلس عايمة
وتلاقي راجل حلو زيك
حظه نحس وبخته مايل »م الجمايل«..!!
إلي شاعرنا الجميل سيد حجاب
يا علم
يا محترم
كل ثورة ياهرم
وانت كاتب فيها
أحلي ما قال القلم..!!
إلي المطرب الشهير كاظم الساهر
أشكيك لمين
يازعيم المطربين
عشان تغني غنوة شعبية
يفهموها ولاد البلد المصريين
إلي الرئيس السوري بشار الأسد
الحكام بتروح في داهية
والشعوب هيّه اللي باقية..!!!
* إلي اللواء محسن حفظي
محافظ الدقهلية
سقفة للرجالة..
الأرض الزراعية بتشكرك..
علي تنفيذ قرارات الإزالة..
عقبال الزبالة..!!
* إلي الاعلامية انتصار شلبي رئيس الاذاعة سابقاً
الشكوي لغير الله مذلة
في الزنقات
لا أراكم الله مكروها في كرسي
رئاسة لديكم
ولا عزاء لرؤساء الشبكات..!!!
* إلي من يهمه الأمر
ازاي ندفن 19 شهيد
منعرفش اذا كانوا بلطجية واللاّ عبيد
واللاّ من اسرائيل واللا من السويد
عايزين نعرف الرد المفيد..!!!
* إلي الرئيس الليبي معمر القذافي
بيقولك عم علي بتاع المنجة
خايف عليك م الفرنجة
والأباتشي والطبنجة
اخلع قبل ما يدفنوك
تحت أي جدار في زنجة..!!!
* إلي المحامي المصري الأصيل الأستاذ بهاء الدين أبو شقة
اللي يرفض يدافع عن الحرامية
اللي سرقوا مصر يبقي محترم
ويشرفها يكون مندوبها
الدائم في هيئة الأمم...!!!
* إلي النادي الاسماعيلي
عايز يبقي الدوري من كومك..!!
وتخْلص من كل ديونك وهمومك..!!
وتبقي نادي ملو هدومك
متعبش ولادك ونجومك..!!!
* إلي الأستاذ توفيق عكاشة رئيس قناة الفراعين
عايز أقولك واللاّ أقولك
مش حقولك م انت عارف
قصدي ايه من غير م أقولك..!!!
* إلي أعضاء اتحاد الكورة بالجبلاية
دوري ايه
وكأس أفريقيا ايه
وجعتو قلبنا..!!
نسيتوا صفر المونديال
سودتو وشنا..!!
ده احنا بنروح كأس العالم
كل خمسين سنة..!!! »...«