البصاص

‬
فجأة وبدون مقدمات،‮ اتفتح باب قسم البصاصين،‮ ودخل علينا البصاص الصغنن وهو بيقول الليمبي وصل‮ يا أولاد ،‮ ضحكنا وافتكرنا أنه جايب معه الممثل محمد سعد في ايده،‮ انتظرنا‮ يدخل الليمبي أبداً‮.‬
فين‮ يابني الليمبي؟‮!‬
في الأمن الوطني‮.‬
ليه‮.. خير؟‮!‬
شغلته‮.‬
انت أهبل‮.. محمد سعد اشتغل ضابط؟‮!‬
محمد سعد مين‮.. أنا بتكلم عن لواء في جهاز الأمن الوطني والأمناء أطلقوا عليه الليمبي‮.. ساعة ما توصل عربيته‮.. بروجي‮ يضرب في المبني وتسمع صوت بيطلع فين ما تعرفش‮... يقول‮: الليمبي وصل‮ يا أولاد‮..‬
مين اللواء ده؟‮!‬
تخيلوا الصغنن رفض وبإصرار‮ يفصح عن اسمه وقال الأسبوع القادم هيحكي لكم بعض حكاياته‮.‬
‮ قسم البصاصين تلقي طوال الأسبوع الماضي مئات المكالمات علي التليفون الأرضي وعلي أرقام المحمول كل التليفونات بتسأل‮: هو مين الضابط المسئول الذي‮ يتولي مكان حساس وكان علي علاقة بموظفة شطفته أمام الموظفين؟‮!‬،‮ الخبثاء اللي بيتكلموا عايزين‮ يعرفوا كل حاجة،‮ مين هي الموظفة؟‮!. وشطفت ليه المسئول؟،‮ وشوفوا الغلاسة‮.. بعضهم بيسأل‮: هي حلوة؟‮!.. تستاهل‮ يعني؟‮!.. طبعاً‮ سمعنا جميع الأسئلة،‮ وعن واقعة الشطف،‮ ووعدنا بنشر بعض المعلومات ابتداء من الأسبوع القادم‮.‬
‮ ياعيني عليك‮ ياعمرو،‮ لما كان والده بصحته،‮ كانوا بيجروا عليه‮ يخدمهم ويسهل لهم مشاكلهم المالية في الحسابات،‮ لما وقع الراجل وسافر الي الخارج للعلاج اتنسي،‮ حتي ابنه نقلوه من الأمن الوطني الي الجوازات‮.. اللظلوظ بن الملظلظة بعد ما قال الخطبة دي،‮ سألناه هو مين عمرو ده،‮ قال‮: ده النقيب عمرو موج‮.. مش‮ غسالة موج‮.. شوفتم بقي قلة الأصل؟
‮ بصاص تحت التمرين تحصل علي مذكرة رفعها ضباط أمن الدولة الذين تم نقلهم من الجهاز،‮ المذكرة مقدمة إلي اللواء حامد عبدالله مدير الجهاز،‮ بيسألوا فيها‮: لماذا لم‮ يتم صرف مكافأتهم من صندوق التكافل؟‮!‬،‮ وقالوا‮: إن‮ إجمالي المبلغ‮ المستحق لهم في الصندوق‮ يصل الي‮ »‬20‮« مليون جنيه أين ذهبت هذه الأموال؟‮!.. حقهم‮.. رد بقي‮ ياعبدالله‮.‬
‮ البصاص الصغنن توصل الي معلومة في‮ غاية الخطورة،‮ المعلومة خاصة بالهجوم الذي‮ يتعرض اليه منصور عيسوي وزير الداخلية،‮ مصادر الصغنن أكدت له ان وراء هذا الهجوم قيادات بجماعة الإخوان المسلمين وبعض الضباط في الداخلية،‮ الصغنن أقسم أن مصادره رصدت عدة اجتماعات لقيادات الإخوان وبعض الضباط تم الاتفاق خلالها علي مهاجمة عيسوي وتطفيشه‮.‬
‮ العميد رضا فرحات المسئول عن الأمن بجهاز أمن الدولة،‮ زعلان جداً‮ جداً‮ من البصاص،‮ وأقسم برحمة الأموات وبجثامينهم وعظامهم والطوبة اللي متبشبشة تحت رأسهم،ان البصاص كذاب،‮ ونفي تماماً‮ ما قيل عن امتلاكه قطع أرض،‮ وقال للي حواليه‮: هو البصاص ده عايز إيه مني؟‮!‬
أنا لا عندي أرض ولا‮ غيره‮.. طب فين أراضي الإسماعيلية‮.‬
البصاص بيتحدي رضا‮.. وبيقول له‮: بلاش،‮ والأسبوع القادم هتقول لك علي معلومة جديدة تخصك‮ يارضا‮.. انتظر‮.‬
‮ الكلام كتير قوي عن مديريتي أمن حلوان وأكتوبر،‮ الضباط شغالين تليفونات ليل ونهار،‮ عايز أماكن مناسبة لهم،‮ بعضهم‮ يفضل أن‮ يظل في مكانه،‮ البعض الآخر عايز مكان مناسب‮ يتناسب وتاريخه المعلومات اللي وصلتنا من مصادرنا تؤكد أن قرار حل المديريتين سوف‮ يصدر الأسبوع القادم‮.. واللي ما لحقش‮ يلحق بقي‮.. ادوها تليفونات ووسايط‮.. وربنا كريم‮.‬
‮ اللواء‮ يسري الفقي مدير شئون الضباط زعلان جداً‮ لقيام البصاص الصغنن برصد أقاربه الخمسة الذين‮ يعملون في جهاز الأمن الوطني،‮ البصاص الصغنن كان أطلق علي أقارب اللواء‮ يسري اسم شجرة العائلة وان كل ضابط من هؤلاء الضباط‮ يمثل أحد‮ غصون هذه الشجرة البالغة،‮ اللواء‮ يسري لو سمع تعليقات الضباط هيقول الصغنن عنده حق،‮ تعرف‮ ياسيادة اللواء بيقولوا إيه،‮ بيقولوا:هو انت علي رأسك ريشة؟‮! خمسة مرة واحدة،‮ طيب خليهم اتنين‮..‬
‮ يقال ان اللواء مصطفي شتا مدير أمن إسكندرية الجديد،‮ والذي كان‮ يعمل في شئون الضباط،‮ أقدم من اللواء أحمد أبوالروس‮.‬
اللظلوظ بن الملظلظة أقسم برحمة أمه ان شتا هيهتم جداً‮ بافتتاح فرع لشئون الضباط بالإسكندرية،‮ وانه في الشتا مش هيخرج من مكتبه،‮ لأن الدنيا هتغرق هوشتا والدنيا شتا‮.. يالطيف اللطف‮ يارب‮.‬
‮ تم صرف خمسة جنيهات كمكافأة للبصاص الصغنن،‮ لأنه أثبت قوة مصادره،‮ حيث انه أكد الأسبوع الماضي ان اللواء عابدين‮ يوسف مدير أمن حلوان سابقاً،‮ الجيزة حالياً،‮ لن‮ يتولي مديرية أمن القاهرة،‮ وان ما‮ يشاع ويتردد بعد زيارة المحافظ له في مكتبه،‮ حول توليه أمن القاهرة مجرد كلام‮.. كلام وبس‮.‬
‮ أجمع البصاصون علي أن منصور عيسوي وزير الداخلية،‮ يخطط بجدية لتأسيس وزارة تحمي المواطن والوطن ولا تحمي النظام الحاكم،‮ البصاصون أكدوا ان حركة الشرطة الأخيرة لقت ترحيباً‮ كبيراً‮ بين الشرفاء من ضباط الشرطة،‮ وأكدت للآخرين ان عيسوي أظهر عينه الحمرا وانه سوف‮ ينظف الوزارة من العناصر الفاسدة‮.‬
‮ مذيعة شهيرة بإحدي القنوات الفضائية‮ يطلق عليها اسم‮ »‬الفذلوكة‮«‬،‮ مباحث الأموال العامة حققت مع زوجها لاستيلائه علي مبالغ‮ مالية كبيرة،‮ الزوج عرض دفع المبلغ‮ وإغلاق الملف‮.. اللظلوظ مش عارف الكسب‮ غير المشروع وافق أم لا؟‮!.‬
‮ الأكمنة الشرطية بدأت بالفعل منذ فترة في عملها بالشوارع مساء،‮ والمواطنون‮ يشعرون بارتياح شديد لوجودهم،‮ ويتمنون انتشارها في جميع أحياء القاهرة والمدن الكبيرة،‮ كما‮ يتمنون أن‮ يروا سيارات الشرطة المتنقلة،‮ تجوب شوارع الأحياء ليلاً،‮ بصراحة وجودهم في الشارع حاجة تفرح القلب،‮ شباب ذي الفل،‮ وابتسامة ووسامة،‮ حاجة جميلة،‮ لكن هناك بعض القلة التي لم تتفهم الوضع الجديد بعد،‮ من الضباط والأمناء،‮ ومازالوا‮ يفكرون ويتعاملون ويتصدون بنفس الأسلوب الشرطي السابق المرفوض،‮ قسم البصاصين‮ يتمني أن تقوم الأغلبية الجيدة بعلاج الأقلية المريضة‮.‬
‮ قسم البصاصين تلقي رسالة من أحد القراء،‮ أكد في‮ الرسالة ان رجل الأعمال ممدوح فيليب سوف‮ يتقدم ببلاغ‮ ضد اللواء هشام منيب مفتش أمن الدولة بالأقصر وشرم الشيخ سابقاً‮ ومساعد المدير لقطاع الجوازات القليوبية البلاغ‮ يتهم فيه منيب باستغلال النفوذ،‮ محرر الرسالة ذكر ان منيب سوف‮ يبحث قريباً‮ عن محامٍ‮ جيد ومتخصص في الكسب‮ غير المشروع،لكي‮ يحضر معه التحقيقات واشارت الرسالة الي ان منيب حط عدة شروط‮ يجب توافرها في المحامي ان‮ يكون لتات وكذاب واللي‮ يسمعه‮ يقول عكسه‮.‬
‮ البصاص الصغنن كان بيتسكع في المحاكم والنيابات،‮ وهو ما شمي‮ يتسكع شاف د.أحمد فتحي سرور رئيس مجلس الشعب سابقاً‮ يؤكد لابنه وهو‮ يضحك،‮ بأنه كان‮ يعلم جيداً‮ ان استشكال حبسه سوف‮ يرفض،‮ ابنه قال له‮: كل أساتذة القانون كانوا بيقولوا كده برضه،‮ البصاص الصغنن تم عقابه في هذه الواقعة لأنه حكي انه فطس علي نفسه من الضحك لما سمع سرور بيقول له،‮ لأنه ان شمتان فيه،‮ وعلشان شماتته هذه تمت معاقبته‮ يقلع ملط ويقف فوق كوبري عباس من الساعة الواحدة ظهراً‮ وحتي الثالثة قبل العصر علشان‮ يتعلم ان البصاص ذي الدكتور وذي الكاتب وذي الباحث،‮ لا‮ يجب ان‮ يشمت أو‮ ينحاز الي احد،‮ ولا‮ يتدخل في الخبر الذي‮ يصل اليه‮..‬
‮ أم شلتوت ربنا‮ يهديها،‮ دخلت علينا وهي متحزمة ولابسة استرتش هلنكة وبادي فوسفوري،‮ وجزمة باليه،وباروكة حمرا وحاطة مكياج معفن معفن،‮ وطلعت علي أحد المكاتب ونزلت رقص،‮ وهي بتغني وبتقول‮: يافرحة ما تمت خدها الغراب وطار،‮ قلنا الولية ضربت لها كاسين،‮ أو برشامة،‮ أو سيجارة بانجو،‮ شوية ونزلت وقالت اللي تنضرب في بطنها،‮ زوجة أحد الضباط الذين‮ يتم التحقيق معهم في الكسب‮ غير المشروع،‮ سمعتها بتقول لصاحبتها ان الباشا بيفكر‮ يعمل مشروع كبير،‮ وانهم‮ »‬هي والباشا‮« عارفين ان الثورة بتصفي حساباتها وانها سوف تدير المشروع اذا أصروا علي حبس زوجها وأقسمت برأس سلطح بابا إن الباشا مظلوم،‮ وان الفلوس هي اللي كانت بتجيله،وهو عمره ما مد ايده علي حاجة مش بتاعته،‮ وعمره ما جري ورا الفلوس هم اللي كانوا بيجيبوا له نصيبه لحد البيت،‮ وكانوا بيحلفوا عليه،‮ ده حقك‮ ياباشا،‮ ثراء ايه الفاحش بقي؟ وكسب إيه اللي‮ غير مشروع واكدت لصاحبتها ان الباشا هيطلع بعد ما الدنيا تهدي شوية‮.‬
‮ يتردد بقوة إن اللواء وجدي صالح مدير شئون الضباط السابق كان‮ يدخل له حوالي نصف مليون جنيه شهرياً‮ من الإدارات والمصالح الشرطية،‮ البصاص سمع الحكاية دي،‮ ومال علي اللواء‮ يسري الفقي وسأله‮: هيه‮.. ايه أخبار النص مليون جنيه؟‮!..‬
الفقي ماسمعش الكلام،‮ لأن البصاص قال الكلام في سره،‮ ويقال ان الفقي لا‮ يتحصل علي أي شيء،‮ وانه مش عارف‮ يسيطر علي الضباط زي زمان‮.‬
‮ تلقت أم شلتوت الغسالة علي الفاكس الخاص بها،‮ رسالة في‮ غاية الخطورة بعض الضباط من شباب الثورة،‮ يرفضون تماماً‮ بتاتاً‮ بقاء العميد محمد عبدالحميد‮ يوسف في جهاز أمن الدولة المسمي بالأمن الوطني،‮ وأكدوا في الفاكس انه من ضمن الشخصيات التي كانت تستغل نفوذها،‮ وأشاروا الي انه كون ثروة كبيرة من خلال عمله بأمن الدولة،‮ وطالبوا باحالته الي الكسب‮ غير المشروع واكدوا انهم ارسلوا عدة فاكسات لوزارة الداخلية وللنائب العام ولجهاز الكسب‮ غير المشروع بهذا الشأن وذكروا في الفاكسات بعض ممتلكاته،‮ منها فيلات وأراض ومصنع شرك في العاشر من رمضان،‮ وشركة استيراد وتصدير‮.‬
‮ الضباط الصغار نكروا الجميل‮.. ويقوموا الآن بفرض عضلاتهم علي أبناء الشعب‮.. البصاص الصغنن أثناء تأديته صلاة الجمعة بمسجد المرتفعة بقرية جزيرة الخزندارية بسوهاج سمع حالة من الهياج خارج المسجد وقف‮ يتفرج شاف الملازم أول محمود مهني معاون مباحث مركز طهطا بيضرب شيخ المسجد وبيعتدي عليه،‮ الأهالي اتجمعوا حوالين الشيخ والضابط وعاوزين‮ يضربوه علشان قام بالاعتداء علي الشيخ عقب صلاة الجمعة،‮ طب‮ يامهني ليه عملت ليه كده،‮ هو ضبط واحضار للشيخ ولا الشيخ ماكنش عارف‮ يخطب الجمعة كويس‮.‬