"كافر بحب بلادى" ديوان جديد ل "أحمد سلامة"

صدر مؤخرًا عن دار نشر طنطا بوك هاوس ديوان جديد للشاعر الشاب أحمد سلامة بعنوان "كافر بحب بلادي" وصدر لسلامة من قبل ديوان "جلابية" في 2005 وديوان "مش ف اتجاه القبلة" في 2008.
ويقول الناشر أحمد منتصر إنه سعى طول عام كامل يدفع سلامة لجمع قصائده التي كتبها إبان ثورة يناير 2011 وبعدها حتى يتسنى لجميع المهتمين متابعة إنتاجه الشعري.
قصيدة "يا صيادين السمك" من الديوان:
يا صيادين السمك
رمى الشبك غِيّة
وانا جيت أشد الشبك
طلعتلى بلطية
قلبى الكبير استحى
من ضعفها
رمتها فى المية
يا صيادين المراكب
فى البحر رزق وخير
فى البر كدب وخداع
ياطبالين المواكب
حتى فى قلوب الطير
ياما أكتر الأوجاع
فى البحر مد وجزر
وغريق بيحلم بقشة
فيه ناس بتسكن قصور
وناس بتحلم بعشة
يا موج بيحدف موج
وموج بيحدفنى
سارى الحياة معووج
ومين هيلقفنى..؟!
يا صيادين السمك
رمى الشبك غيّة
وأنا جيت أشد الشبك
طلعتلى بلطية
قلبى الكبير استحى
من ضعفها
رمتها فى المية