"تويتر"عن الفيزياء:المستقبل بيضيع فى 3 ساعات

بعد أداء طلاب الثانوية العامة امتحان الفيزياء، اليوم السبت، وشهدت اللجان بكاء وصراخا وإغماءات وتمزيقا للورق وترك الامتحان, تداول نشطاء على مواقع التواصل الاجتماعى "فيس بوك" و"تويتر" تعليقات على صعوبة الامتحان..
فقال محمد طلال عبر "فيس بوك": "مش عارف الفيزياء أقول عليها إيه بس, ناقص ينفخونا في الرياضة 2 وهنشييييييييييييييييييل".
فيما قال أحمد حلمى عن الفيزياء: "وربنا ده ظلم". وأضاف خالد أحمد سامى: "لو أنا وأخويا نشيل أصعب امتحانين فيزياء في التاريخ يعنى".
وأضاف أحمد محسن معبرا عن صعوبة المادة "الكفار ما فضلش غير اسم المؤلف يسألوا عليه", وسخر حسنى عصام "فى واد رافع ورقة وكاتب عليها أغيثونااا وواقف فى شباك المدرسة".
وسخرت أيضا إيمان قائلة "النهاردة يوم تاريخي يا فندم تقولي ليه أقولك المستقبل بيضيع في 3ساعات", وقال عبدالحليم حلمى "محدش بيتكلم عن حلقة باسم يوسف يعنى.. ما داهية لتكونوا خايفين على شعورنا ولا حاجة بعد امتحان الفيزياء".
فى ذلك السياق أنشأ طلاب الثانوية العامة هاشتاج على موقع التواصل الاجتماعى "تويتر" باسم #فيزياء ,#الثانوية العامة ليضم تعليقاتهم على صعوبة الامتحان وحل كل منهما فى المادة, فقالت نهال "بعيد عن كل ده مفيش physics تانى يعنى no physics no cry".
بينما قال عبد الرحمن شاكر "الحمد لله أنا مش زعلان عشان الامتحان بس فكرة إن إحنا نتعب في منهج زفت، وهو ييجي يجيبلك الحاجات اللي مش واضحة، لازم يفتكس".
وأضاف مهند "حسبي الله ونعم الوكيل..مش عارف أعلق أكتر من كده", وسخر هاشم من أخيه قائلا "أخويا بيقولي امتحان الفيزيكس دا سهل أوي ولمه أشوف حد من صحابه بيقولي دا صعب أوي، تجارة تناديك يا ماركو".
بينما عبرت بوسى النجار قائلة "مش صعبان عليا حد في الليلة دى كلها أد أهلى بجد تعبوا معايا أوى عشان أبقى حاجة.. بس يللا النصيب", وقالت اميجاتلو "أحب أقول لأدبى ربنا معاكوا ده انتوا هتزعلوا زعل".
وسخر محمد جمال "إيه عملت إيه فى الفيزياء.. لأ تمام الإنجليزى كان حلو", وعلق محمد عبد الباسط قائلا "كان ناقص أكتب في الأول الفيزياء الحديثة بقلم محمد عبد الباسط- الفيزياء كما لم ترها من قبل", وقال سيكو "أخبار اللى امتحنوا فيزياء إيه؟ ساقطين! كلهم".