الوفد تنفردُ بنشر نص تحقيقات جريمة العشق والدم

حصلت الوفد على نص التحقيقات الخاص بواقعة فتاة بورسعيد، التي قتلت والدتها بمعاونة عشيقها الصبي صاحب ال14 عامًا، ورصدت الوفد تفاصيل وكواليس مرعبة من واقع أوراق القضية، تلك الجريمة البشعة التي هزت الرأي العام خلال الأيام القليلة الماضية.
اقرأ أيضًا.. «الوفد» تكشف تفاصيل مرعبة في أوراق قضية قاتلة والدتها ببورسعيد
قال المتهم حسين خلال اعترافاته: "كنت على علاقة عاطفية بنورهان (بنت القتيلة)، وبعد ما أمها عرفت علاقتنا، نورهان قالتلي أمي ساقت فيها وهتفضحنا لازم نخلص منها ونقتلها".
أضاف المتهم: "نورهان جاتني البيت وخططنا للجريمة لاتفاق على طريقة القتل، نورهان قالتلي نموتها نحط لها سم في الطعام، وأنا قولتلها نحط فوطة ونكتم نفسها لحد ما تموت".
قال: يومها بالليل نورهان كلمتني بالتليفون وقالتلي أمي ساقت فيها وهتفضحنا ومعرفناش نكمل كلامنا وقفلت معايا فالكلام، ثاني يوم اللي هو (2022/12/14)، جتلي الصبح بدري حوالي الساعة
8 الصبح وهي رايحة الكلية بتاعتها ودخلت شقتنا وكانت أمي قاعدة، وكلنا قاعدين واتكلمنا و قالتلي إحنا لازم نقتل أمي يوم إجازتها اللي هو (يوم الإثنين).
أضاف: "فضلنا نتفق هنعمل إيه وهنقتلها إزاي وهي قالتلي إحنا ممكن نجيبلها سم ونحطهلها في الأكل، وأنا قلتلها أو ممكن نخنقها بفوطة واتفقنا على كدة، وفي نفس اليوم قالتلي إن أخوها أحمد رايح المحل لأبوها يجيب حاجات وهيقعد شوية وهيرجع متأخر، وآدم أخوها قالها إنه هيطلع ياخد التليفون بتاع مامته وينزل يلعب بيه مع واحد جاره فالشارع، والبيت هيبقي فاضي".