السيسي: هو إحنا دخلنا حروب ضيعنا فيها أموال مصر (شاهد)

أكد الرئيس عبدالفتاح السيسي، أن عام 2023 يحتاج مزيدًا من العمل والجهد بسبب الظروف التي يعيشها العالم أجمع، وليس مصر فقط، قائلًا: "الظروف اللي موجوده في مصر ضاغطة على الناس".
وقال السيسي خلال كلمته في فعاليات انعقاد مؤتمر التحالف الوطني للعمل الأهلي التنموي، اليوم الإثنين، إن الظروف السياسية صعبة جدًا، قائلًا: "لو ظروف مصر صعبة أهل مصر هيتخلوا عنها؟ .. هو إحنا دخلنا حروب ضيعنا فيها أموال مصر.. هو إحنا دخلنا مغامرات ضيعنا فيها أموال مصر.. الظروف صعبة على العالم كله".
اقرأ أيضًا.. الهيئة الإنجيلية تشارك في المؤتمر الأول للتحالف الوطني للعمل الأهلي (صور)
وتابع :"وبالتالي أي اجتهاد من الآخرين مش مكروه ومش مرفوض، بس يمكن يكون يعمل بلبلة، ويزعج الناس، أكتر ما الظروف عاملة، والظروف اللي موجودة في مصر، و في العالم كله، ضاغطة على الناس، فلو إحنا اتكلمنا كلام خوفنا الناس أكتر، لو أنا النهاردة خوفتكوا..النتيجة إيه؟".
ورد السيسي على المغالطات حول الأوضاع الاقتصادية ، قائلًا: "كلام مش مترتب .. وبكلم بصراحة أسمعوا مننا مش عشان أحنا أصدق من غيرنا بس مدركين لحجم التحدي"، متابعًا: "البيانات والأرقام والحلول مطروحة من الدولة وأي اجتهاد من الآخرين مش مرفوض بس ممكن يعمل بلبلة ويزعج الناس "
وواصل: "ظروف مصر والعالم ضاغطة على الناس ولو إتكلمنا كلام يخوف أو أنا خوفتكم ده في مصلحتنا .. هو أحنا منقدرش نصمد قدام التحدي .. ولو مصر ظروفها صعبة هنتخلى عنها؟".
وطمأن السيسي المواطنين على أوضاع الدولة المصرية وعدم الالتفات للشائعات، قائلًا: "يا جماعة اسمعوا مننا
مش علشان إحنا أصدق من غيرنا.. ولكن مدركين لحجم التحدي أكثر من غيرنا، والبيانات والحلول بتبقى مطروحة من الدولة، وبالتالي أي اجتهاد من الآخرين ليس مكروه ولا مرفوض ولكن بيعمل بلبلة ويزعج الناس".
وأكمل السيسي: "لو مصر ظروفها صعبة هنتخلى عنها؟ أنا بكلمكم كلهم.. ولو ظروف مصر صعبة أهل مصر هيتخلوا عنها؟ هو إحنا دخلنا حروب وضيعنا فيها أموال مصر.. ولا إحنا دخلنا مغامرات ضيعنا فيها أموال مصر؟ .. الحرب دي مش بتاعتنا والأزمة مش بتاعتنا.. ولكن مصر بتدفع ثمن زي كل دول العالم".
وتابع: "هو إحنا منقدرش كدولة وشعب نصمد أمام أي تحدي، يعني لو مصر ظروفها صعبة هتتخلي عنها، بكلم كل اللي بيسمعني، هو إحنا دخلنا حروب ضيعنا فيها أموال مصر، دخلنا مغامرات ضعينا فيها أموال مصر؟".
وواصل السيسي: "الحرب دي مش بتاعتنا، الموقف اللي حصل سواء كورونا أو أزمة روسيا، مصر معملتوش، مصر بتدفع الثمن زي أي دولة"، مستطردًا: "هقول التعبير الجميل اللي ممكن متنساهوش، بطلوا هري، بطلوا هري بقى".