السيسي: تطوير الصناعات يحتاج لإجراءات غير تقليدية (فيديو)

قال الرئيس عبد الفتاح السيسي، إن الأوضاع الحالية لتطوير الصناعات المختلفة تحتاج إلى إجراءات غير تقليدية.
اقرأ ايضا .. السيسي للمستثمرين: بقالي 7 سنين في الشغلانة دي (شاهد)
وأضاف "السيسي" خلال كلمته في افتتاح المعرض والملتقي الدولي الأول للصناعة، اليوم السبت: "لما اتكلمت عن الرخصة الذهبية قولت خليها 3 شهور، افتح الإجراءات لمدة زمنية محددة، واقبل التجاوز والعوار فيها مؤقتًا، واظبط الدنيا تاني، بس دي قوة دفع هائلة لمشاريع بتاخد وقت كبير جدا، في فترة زمنية حتى لو فيها شيء في العوار".
وتابع: "لو عملنا 100 مشروع بالطريقة بطريقة دراسات الجدوي هتاخد 5 سنين وتضيع الفرصة 5 سنين، واحنا مستعدين كدولة أدخل لتجاوز موضوع الوقت والخوف لمن يرغب، علشان نقدر نحقق اللى بتتمناه".
أبدى الرئيس عبد الفتاح السيسي، استعداد الدولة للدخول كشريك مع بعض المستثمرين في مبادرة ابدأ بهدف تشجيع رجال الصناعة، مضيفًا: "يا اللي هتشتغلوا في ابدأ مستعد أخش معاكم بالنص، مش علشان عاوز أخش معاك، لكن علشان أشجعك إن فيه جزء من المخاطرة الدولة معاك فيها، والهدف أيضا تشجيع رجال الصناعة في مصر، وكل من يحتاج يتحرك معانا إحنا معاك".
وتابع "السيسي" خلال إطلاق الملتقى والمعرض الدولى الأول للصناعة: "عارف أن هناك الكثير من الأنشطة تحتاج إلى دراسات، لكن فيه حاجات واضحة جدا زى الخامات الدوائية والمعدات اللى بنستوردها" متسائلًا: "لو فيه مشكلة لحد مش هنقف جنبك ولا إيه؟".
وواصل الرئيس حديثه، قائلًا:"ال 100 مليار دولار بتاع التصدير بعد كام سنة هايبقا الحلم بعيد قوى، انا بقالي 7 سنين في الشغلانة دي، وعارف أن المواضيع دي بتأخر وبتضيع علينا فرصة".
وأكد أنه سيتم صرف نحو تريليون جنيه على مبادرة حياة كريمة، مؤكدًا أن
أننا مستعدون للشراكة مع المستثمرين بمشروعات المبادرة الوطنية لتطوير الصناعة "أبدا".
وتابع أن هدفنا تشجيع كل رجال الصناعة وطمأنتهم بالوقوف بجانبهم، مقدمًا التحية إلى القطاع الخاص على مبادرة زيادة الأجور، وفق القرارات التي أصدرتها الحكومة مؤخرًا بمبلغ 300 جنيه، قائلا: "مع القطاع الخاص بيكون فيه تشاور مع بعضنا خاصة أن كل منشأة لها ظروفها.. أنتم لكم تصور".
ووافق الرئيس على السماح بإعطاء الرخصة الذهبية لكل المتقدمين من المستثمرين لمدة 3 شهور.
وشدد السيسي على وقوف الحكومة بجانب المستثمرين، وبذلك سنسمح بإعطاء الرخصة لمدة 3 أشهور، مضيفًا: "هنشوف خلال الفترة دي إذا كان القرار دا مظبوط أو نرجع للوضع اللى احنا عليه الآن".
وحضر الرئيس عبد الفتاح السيسي، صباح اليوم، إطلاق الملتقى والمعرض الدولي الأول للصناعة، الذي ينظمه اتحاد الصناعات المصرية في مركز المنارة للمؤتمرات، وذلك بمناسبة مرور 100 عام على تأسيس الاتحاد.
ومن المقرر أن يشمل المعرض، الذي يقام تحت رعاية الرئيس، عددا من الأجنحة الضخمة للصناعات المتنوعة، وعلى رأسها قطاع الصناعات الهندسية وصناعة الآلات والمعدات والماكينات.
السيسي يسمح بإعطاء الرخصة الذهبية لكل المتقدمين من المستثمرين لمدة 3 أشهر