منى عراقي تكشف حقيقة زواجها | مش هتجوز في السر تاني (فيديو)

أثارت الإعلامية منى عراقي الجدل مجددًا بعدما خرجت عن صمتها في فيديو جديد نشرته عبر صفحتها الرسمية على موقع التواصل الإجتماعي فيسبوك تكشف فيه حقيقة زواجها من أيمن رشوان.
(أقرأ أيضًا) ايمن رشوان يصدم منى عراقي بسبب الزواج
وقالت منى عراقي غاضبة: "إيه القرف اللي أنا فيه ده؟ كل دا بيحصلي ليه؟ أيه المهم في قصة ارتباطي ولا جوازي أنا بقالي أكتر من يومين مش بنام ونفسيتي اتدمرت كل ده عشان قررت أعلن عن حياتي الشخصية، وأنا مش عايزة أتجوز في السر تاني، خلاص ولادي كبروا أخبي ليه؟ وقالوا لي بلاش ترتبطي في السر، ولادي قالوا لي خلاص دلوقتي مفيش داعي".
وأضافت: ولما حد بيسألني كنت بقوله هتجوز قريب، والسؤال اللي دمر نفسيتي هو مين؟ وأرد في الوقت المناسب هقول لكم، إنت مالك؟ أنا حرة أقول وقت ما أنا عايزة وحرة أقول مين، عشان حياته ماتبظش وحياتي أنا هعلن في الوقت المناسب".
منى عراقي في حفل زفاف الإعلامية سالي عبد السلام
وتابعت: في فرح سالي، وروحت سلمت على أيمن رشوان وميلاد أبي رعد، عشان دول أقرب ناس ليا في الفرح، وقالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم، أهروا، شوية وهتلاقوا هراية تانية، وتلاقوا حد يلهيكم".
وأردفت : اللي عرفني الخبر صديقي ميلاد أبي رعد، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن بقاله 3 أيام، وبيسألوا اتجوزت مين، إنت
مالك؟، خلصت القصة".
وأكملت قائلة: "يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا، وتطلع قناة المفروض إنها محترمة ومهنية تقول مش الكدبة الأولى؟ إيه الهم دا؟ أنا ياما عملت شغل وولا حد عبرني، وياما عملت نجاحات ولا حد سأل فيا، وياما كان عندي أزمات صحية ونفسية ومعنوية ومحدش قالي إنتي فين، ليه خبر جوازي يقلب الدنيا، انتم مالكم؟"
وأنهت مقطع الفيديو قائلة: "أنا مش عايزة أقول هو مين، وكل اللي يهمني أقوله إنه مش أيمن رشوان، وقُلت ده من ساعتها، إيه القصة؟ مين يجي يخلصني من التريند بتاعي ده؟ ولادي تأذوا وحياتهم اتلغبطت والله أعلم بحاله، والقصة تافهة".
جدير بالذكر أن أيمن رشوان كان قد نشر مقطع فيديو، عبر حسابه الرسمي بموقع التواصل الإجتماعي فيسبوك قائلًا:"أنا فوجئت بخبر عجيب جدا، وخبر مالوش أي علاقة بالحقيقة وبالواقع، خبر كاذب بكل معنى الكلمة، وهو إن أنا اتجوزت من الأخت والصديقة منى عراقي، وهي أختي بمعنى الكلمة، والخبر كاذب"، وأضاف :"الخبر بعيد كل البعد عن الحقيقة".
شاهد الفيديو..