نهى العمروسي تكشف حقيقة تعاطيها المخدرات

حلت الفنانة نهى العمروسي مساء أمس الخميس ضيفة على برنامج كلام الناس المذاع عبر قناة "ام بى سى مصر"، وكشفت العمروسي خلال الحلقة عن أسرار كثيرة عن حياتها ولعل أبرزها هو حديثها عن حقيقة تعاطيها المخدرات وكواليس تورط ابنتها في قضية الفيرمونت.
(اقرأ أيضًا) أول تعليق ل نهى العمروسي بعد أزمة مسلسل "الطاووس"
وأوضحت العمروسي أنها دخلت السجن ظلمًا على الرغم من أن النيابة العامة أجرت لها تحليل كشف المخدرات، وتبين عدم تعاطيها أي مواد مخدرة، ولا حتى السجائر حيث قالت:"أنا اتظلمت ودخلت السجن وعملولي تحليل طلبته من النيابة، والتحليل طلع إني مبشربش مخدرات ولا سجاير، أدافع عن نفسي في إيه؟، اللي عايز يتكلم عني هيتكلم مهما قولت؟، واللي عايز يشتم فيا هيشتم".
وكشفت سبب عدم دفاعها عن نفسها أمام الجميع قائلة :"أنا مش في موقع دفاع عن النفس خالص، أوضح حاجة أوضحها، لكن أدافع عن نفسي أنا آسفة أنا مش في موقف دفاع عن النفس، وكل حاجة موجودة، ولما أخدت براءة قالوا بتاعة مخدرات، والكويس هيدور ويعرف، وده كويس".
وتابعت: "أنا جالي غدة درقية في عينيا، وقالوا من المخدرات، يعني المرض ده أم كلثوم فضلت لابسة نضارة، بس مفرقش عشان ده حنجرتها، هو مفيش غيري بيشرب مخدرات، واللي بيشرب مخدرات شكلهم متغيرش، الكلام حتى مالوش أساس، اللي بيتكلم بيقول بتضرب مخدرات هو بيضرب مخدرات بيعكس اللي جواه".
ابنة نهى العمروسي وقضية الفيرمونت
وعن كواليس تورط ابنتها نازلي في قضية
الفيرمونت قالت:" بمساعدة ربنا، بقوة ربنا، هو ربنا اللي بيدي القوة، حصل وتجاوزناها، وهي ربنا يكون في عونها، يعني كانت في أزمة قبل الأزمة، بس الذروة حصلتلها في الأزمة، هي استحملت كتير، ربنا بيدينا القوة، إحنا أقويا، ربنا يدينا القوة وعندنا قدرات منعرفهاش، من عند ربنا".
وأضافت: "لجأنا لربنا، ملجأتش لحد، الناس اللي حبت تقف جنبي جتلي، يعني أنا كنت هلجأ لمين؟، هو أنا كنت فيا حيل ألجأ لحد، مكنتش شايفة قدامي خالص، ربنا هو اللي بيدي القوة والنور والحكمة، هو ربنا سبحانه وتعالى".
من هي نهى العمروسي
جدير بالذكر أن نهي العمروسي ولدت في 11 يناير عام 1963 وحصلت على بكالوريوس من قسم السيناريو بالمعهد العالي للسينما عام 1990، كما شاركت في عدة مسلسلات تليفزيونية منها "إحنا الطلبة"، الحارة"، "مملكة الجبل"، "شارع عبدالعزيز"، "البلطجي"، "ضمير أبلة حكمت" وغيرها، وتزوجت من الفنان مصطفى كريم وانجبت منه ابنتهما نازلي وأصيب بالسرطان، ثم توفي في عمر صغير .