تعليق سواريش بعد فوز الأهلي على الجونة

وجه البرتغالي ريكاردو سواريش المدير الفني للأهلي الشكر للاعبيه عقب الفوز على الجونة بهدفين نظيفين، في الجولة السادسة والعشرين من الدوري الممتاز.
قال سواريش في تصريحات عقب المباراة:" كانت أيام صعبة بالنسبة لهم ولنا جميعا لكن زي مشوفتوا اللاعيبة بتلعب في ظروف قاسية ياريت اللي حط برنامج المباريات بالشكل دا يشوف ازاي دا محطوط كدا النهاردة في 3 إصابات جديدة".
وواصل حديثه:" اتحمل مسؤولية الهزيمة من بيراميدز والزمالك لكن أنا مدربتش غير أسبوع من يوم ما جيت، اللاعيبة عايزه تأدي بس مش قادرة معملتش تمارين أنا دخلتهم مساج واستشفاء".
وأضاف:" وقت ما يكون في انتقادات للاعبين وليا لازم الناس تفكر فيها لأن طبعا لازم ادافع عن لاعبتي. اللي بيحصل دا
يفوق العامل البشري أخشى من إصابات جديدة في المباريات المقبلة نسبة الإصابات زيادة"، لافتًا:" انا متحمل المسؤولية لكن الظروف صعبة الأهلي نادي كبير وانتوا عارفين كدا يا اما اكسب يا اما اكسب كل النادي عنده الفكر دا ".
وتابع:" راح مننا لقب مهم لكن قدامنا لقب تاني وعايزين نكمل في المنافسة مفيش فرصة أننا نصلح/ معندناش أطراف مصابين. ومهاجم واحد اللي يهمني اعمل استشفاء للاعبين وبنحاول نقدر نجهز باقي اللاعيبة، اللي حط الجدول دا كل 3 أيام ماتش ومعاناة لعيبة مريحتش مطالب بتبرير اللي بيحصل دا المنتخب كمان هيتأثر".
وأشار في حديثه:" لازم الناس تفكر في الكلام معانا 3 أيام قبل الماتش الجاي وهشوف فيهم الأفضل والأجهز للمباراة حتى لو في مخاطرة وفي إصابات جديدة لأن احنا الأهلي واحنا عايزين نفوز لا انظر للسن مع اللاعبين 18 أو 38 زي بعض المهم اللي بيشتغل وعنده المقدرة يمثل الأهل غيرنا أسلوب اللعب علشان مفيش وقت نقدر نشتغل ولا أطراف تلعب من برة ولعبنا بأظهرة على الخط ومدافعين كويسين ودفعت بخط الوسط الأفضل عندي".
وواصل:" أفضل أسلوب ألعب به وافوز، الشوط الأول كان أقل هجوميا وضعيف وانا المسؤول . بين الشوطين حاولت ارجع الثقة للاعبين وبفضل اللاعبين الشوط الثاني كان أقوى هجوميا الجمهور دعمنا ومن قبل المباراة كمان دعمنا وعايزين نقدم لهم أفضل من كدا كمان لكن الظروف صعبة لكن هنحاول".
رفع الأهلي رصيده ل51 نقطة في المركز الثالث فيما يحتل الجونة المركز الثالث عشر برصيد 26 نقطة.