عمرو مصطفى يفضح جدو بتصريحات مثيرة للجدل: نهايتك قربت

الهضبة كلمة السر|

تصدر المطرب عمرو مصطفى قائمة محتويات الأكثر بحثاً على مؤشر البحث العالمي جوجل ومختلف مواقع التواصل الاجتماعي بعد منشورة الأخير الذي توعد فيه فنان مشهور دون ذكر اسمه، الأمر الذي أثار موجة جدل واسعة وحيرة وتساؤلات جمهوره ومتابعيه زاعمين أنه يقصد الهضبة عمرو دياب.
اقرأ أيضاً..
عاملة دايت.. مُلحن شهير يقصف جبهة عمرو مصطفى بعد هجومه العنيف على الوسط الفني
عمرو مصطفى يهدد فنان مشهور بالفضيحة
وكتب عمرو مصطفى عبر حسابه الشخصي بموقع التواصل الإجتماعي الأشهر "فيس بوك": "رساله لجدو .. هتبعت ناس ولجان تشتم علي الصفحه ولا هيهز شعره مني فلوس بترميها في الارض".
وأضاف: "هتبعت ناس تقول صوته وحش ملكش دعوه انا هغني وصوتي وحش .. هتروح تخلي ناس تسرب الاغاني هطلع افضحك وساعتها هتكون نهايتك بجد .. هتجيب عيال بفلوس تعمل فيديوهات ان الاغاني وحشه هتنجح غصب عنك لانها من القلب".
عمرو مصطفى عبر فيسبوك: هفضحك يا جدو
وأردف: "هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني 100000
علي الفيسبوك بشرف احسن من ملايين مزيفين يا جدو .. وفي الاخر اتقل علشان الجاي صعب".
واختتم كلامه قائلاً: "نسيت انك بعت ناس للموزعين الي بشتغل معاهم في الخارج علشان انت قلوده قوي .. بس لما تنزل معاهم هفضحك عادي".
الجمهور يتوقع الفنان الذي يتوعده عمرو مصطفى بالفضيحة
وسرعان ما انهالت تعليقات متابعي عمرو مصطفى على منشوره، مؤكدين أنه يوجه كلامه للهضبة عمرو دياب بسبب الخلافات القائمة بينهما منذ سنوات ولم تنتهي حتى الآن، وكانت أبرزها: "للدرجة دي جدو عمرو دياب حارق دمك .. ده عمرو دياب .. عمرو دياب دا روحي روحي .. هو احنا كنا نعرفك الا لما جدو حن عليك وقدمك للناس .. الحاجة بتغلى بسبب التيكيت بتاعة جدو .. جدو ده رقم 1 من 35 سنة".
وأضاف آخرون: "خسارة كبيرة للناس اللي بتحبكم وبتحب أغانيكم مع بعض اللي عايشة وبنحبها ..
الخلاف اللي حصل بينكم ياريت أصدقاء مشتركين يتدخلوا للصلح .. عمرو مصطفى انت مميز وعمرو دياب مميز .. جدو مكبر دماغه منك وشغال نجاح يا عمور .. لما تكون انسان فاضي فتروح عامل اساءة لاسطورة زي عمرو دياب .. عمرو دياب جدو؟ .. طبيعي ان اي حد بيبقى عاوز يعمل لنفسه شهرة يشتم في رقم واحد في الوطن العربي كله معلش عمرو دياب معتقدش انه فاضي يبص عليك اساساً".
سر خلاف عمرو مصطفى وعمرو دياب
وكان عمرو مصطفى قد هاجم الهضبة عمرو دياب مؤخراً خلال لقائه التليفزيوني مع الإعلامية أسما إبراهيم ببرنامج "حبر سري" المُذاع عبر قناة "القاهرة والناس"، حيث انتقد الأقاويل التي تؤكد أن الهضبة هو من قدمه فنياً، مشيراً إلى أن الذين قدموه فنياً هم عادل عمر وعامر منيب وقبلهم مجهوده وفضل الله"، مضيفا: "عمرو دياب لم يعزيني في وفاة أمي، وعندي ردود كثيرة على الموقف ده هتزعل".
وأضاف: "أنا مفيش حد غالي عندي واللي غالي عندي أمي وراحت وهي كانت علطول تقولي حافظ على نفسك ومفيش عزيز ولا غالي، والغالي دلوقتي أنا ومراتي وولادي"، مضيفاً: "الغالي عندي كمان الجمهور أنه يسمع مني حاجات ومزيكا كويسة، وانا ندمان على تأخري في الغناء فقط، واللي ينتقدني يكون عمل ربع اللي عملته".
لمزيد من اخبار المنوعات على بوابة الوفد اضغط هنا