قراقوش ...و... ( الاستهبال السياسي )

((إذا كان كرسي الحكم .....زائل ...آن عاجلاً أو آجلاً ....لأن المواطن مش مضمون غداً ...هيعطي صوته لمين ......فالصكوك ...هي الباقية لأنها ستضمن .....شراء ....المواطن ..وكرسي الحكم معاً )) .
******
يحكي أن ..أن أيه ...أن قراقوش ...بعد أن شرب البرداقوش ...أخذ يفكر ...ويفكر ويفكر ...ثم قبل أن ينام ..دخل الحمام ....وأخذ يفكر ويفكر ...ويفكر ....ثم صاح : وجدتها ....وجدتها ...وخرج مسرعاً وفي يده صابونة ...وقال ستتزحلق المعارضة المجنونة ...كما أزحلق هذه الصابونة ...( وبالفعل رمي الصابونة على بلاط القصر .....ورفع يديه مشيراً بعلامة النصر )..
فقال له كبير الشمرشجية: عن أي معارضة تتحدث ... لأنني بدأت من كلامك أتوجس ...معارضة الداخل أم الخارج ....معارضة الشارع ...أم معارضة المقطم ..معارضة الإعلام....... أم معارضة أصحاب الأقلام ..
• فقال قراقوش : المفروض كل المعارضة ....كلها ..ستتزحلق ...كما أزحلق الصابونة.
• فرد كبير الشمرشجية : قل لي بالتفصيل ......ولاتكن يامولاي عليه بخيل
• فرد قراقوش : أحنا نعين وزير مختص بالاستهبال السياسي .
• كبير الشمرشجية ( مستوضحاً ) : تقصد للإستقبال السياسي .
• قراقوش : ألم تسمع جيدا...أقول لك ..للإستهبااااااااااال السياسي .
• كبير الشمرشجية : وماهى مهامه ؟
• قراقوش : ياااااه .ستكون مهامه كثيرة ..منها ....أنه يتصل بالقوى السياسية المتعاونة معنا ....ويعطينا معلومات صحيحة أو خاطئة .... تعمل بلبلة ..وتجس نبض الشارع والرأي العام ....فمثلاً مرة تقول أن فلان الفلاني ( الطبيب ) سيتولى جهاز مخابرات قراقوش ...فإن سكت الناس ...ولم يحدث إلتباس ...نقوم بتعيينه رئيساً لمخابراتنا ..وأهو سيكون مننا ..وليس علينا ...وبكده ننام بهدوء ..وسلام ..ولا تحدث كوابيس ....ولا خوف من دخلة البوليس ..ما أنت عارف أنا بأكره البوليس قد أيه
• كبير الشمرشجية : ومَنْ سمعك ..أكره البوليس كره غير عادي ...المهم وأيه المهام الأخرى لوزير الاستهبال السياسي
• قراقوش : ممكن يتصل بأولادنا في حزبنا وجماعتنا ..يعملوا مشاكل ...لأى مسئول يقف في طريق سيطرتنا على البلاد ...ورقاب العباد
• كبير الشمرشجية : أه ....زي مثلاً ترشيح وزير مش على مزاجنا نعمله مظاهرة يتشال على طول ....زي اللى حصل لما جينا نرشح وزير لوزارة الأوقاف ...عملنا مظاهرة ..شالت المترشح الأساسي ...وجبنا واحد مننا ....حوّل الوزارة .....لسلاح سياسي بيأيدنا عمَّال على بطَّال ...يعني لو أصدرنا قراراً في الصباح ..يقوم وزير أوقافنا ....يؤيده على طول ... ويبين مافيه من حكمة ومسلحة للبلاد ...وللعباد .......ولو رجعنا في القرار في المساء ...يمدح حكمتنا وسعة صدرنا ....لرجوعنا للحق ..ويقول إن الرجوع للحق احق يتبع ..وهكذا ..
• قراقوش : وكمان لو مسئول كبير هيعترض على مشروع قانون ....بحجة أنه لايوافق الشرع ....نسلط عليه أولادنا في الجماعة ...يعملوا له ....أي ملعوب ..حتى لو أصاب مئات ...المواطنين أو....قتلهم ....مش مشكلة ..يعنى حادث سيارة ماشي ..تسمم طلاب جامعة مايضرش ....وهكذا ونرتب الأمور ... بحيث نضغط على المسئول ...أنه يرجع في كلامه على طول ...ويأيدنا أو نعمله قلق على طول في مقر عمله ...ونسلط المجالس النيابية تعمل إجتماعات تلوح بتهديده في منصبه ومستقبله الوظيفي ..والجماعات والأحزاب اللى عاملة نفسها مش معانا ..تصرح تصريحات تهاجمه ....وهكذا
• كبير الشمرشجية : طيب يامولاي ... الأولاد بتوع الإعلام والفضائيات ...دول نازلين في فخامتكم آخر بهدلة وتريقة ...ولا مؤاخذة ...خلوا صورة فخامتك .. مش ولابد ....وانت يامولاي لا بترد ولا بتصد ..
• قراقوش : أفهم ياعبيط ....باين عليك واكل قرنبيط ....أحنا مانعملشي حاجة بأيدنا ..وزير الاستهبال السياسي ...يتصل بفريق المواطنين الصالحين ....ويزقهم يشتموا المذيعين والمذيعين ..ويدخلوا معاهم في اشتباكات ...ومضايقات ...ونخلي شوية من هؤلاء المواطنين الصالحين يقدموا بلاغات ....ويرفعوا قضايا ..ويطالبوا يتعويضات ....ونشغل بتوع الإعلام في قضاياهم ....فينشغلوا عنا ...نكون أحنا عملنا التيكتيكات بتاعتنا ..
• كبير الشمرشجية : زي أيه يامولاي ...
• قراقوش : ديه حاجات كبيرة عليك ..بس هاٌقولها لك ....عشان أنت مش غريب ...بس يا ابني ....محدش في البلد ديه يقدر يلاعبني ....أحنا بندرب ناس على أعمال المخابرات ....وناس تانية بندربها ( أزاي تفكك أجهزة المخابرات ) ..علشان نفك الأجهزة الموجودة ..ونشغل أجهزتنا أحنا ....
• كبير الشمرشجية : وده بس في المخابرات ...
• قراقوش : أقولك تاني أفهم ...ياعبيط ...أحنا ..بصراحة مش عاجبنا ...أجهزة الدولة كلها ..وبنشك فيها ....ومتعقدين منها ...لأنها كانت بتطاردنا عشرات السنين ..وأشتغلت مع أنظمة الحكم السابقة ..وكمان عندها ملفات ببلاوينا ..من تجسس لصالح دول أجنبية ...وتميل من الخارج ....وغسيل أموال ...ده غير البلاوي الجنسية ..,والشرايط اللى كانوا عملنها لينا في السجون ..وما أدراك ما السجون ...
• كبير الشمرشجية : فهمت يامولاي ...احنا نفكك الأجهزة الموجودة ..من قضاء وشرطة وجيش ...ونحط أولادنا أحنا ..
• قراقوش : أخيرا فهمت ...تعبتني معك .
******
وهنا يرن التليفون ...ويرد كبير الشمرشجية ثم يقول ..:
• معذرة يامولاي : تليفون من بنتكم الكريمة ...ويبدو أنها حزينة ..
• قراقوش ( بعصبية ) : هات التليفون بسرعة ...
• ثم تحدث في الهاتف قائلاً : أزاي ده حصل ...
• بنت قراقوش : صدقني ..هو ده اللى حصل ....قعد جنبي ..وقال مش شغال ..يبقى أبوكي حاكم قد الدنيا ....وسايبني أشتغل عادي ....طبيب ...طول النهار مع المرضى ..والعلاج ..والعمليات ..والبنج ...والشاش والميكروكروم ....لن أذهب للعمل بعد اليوم .....أنا عايز شغلانة أبهة ...ولما قلت له أنت طبيب مينفعشي يشغلك بابا معاه ..قال لي هو أصلا حد من المسئولين بتوع جماعة بابا شغال بمؤهله ..ده كلهم ..ماسكين مواقع مبيقهموش فيها الألف من كوز الدرة ....وأولهم أبوكي قراقوش نفسه ..وأبويا اللى ماسك ماكينة تشريع البلد ..وهو ...مش فاهم يعني أيه قانون ولا تشريع اصلاً ...وعمال يعك في البلد ومحدش بيقول له حاجة ..خليني أعك معاهم .. وأخذ لهطة من قشطة الحكم ..ياقشطة أنتى ياجميلة ...يابنت قراقوش ...
• قراقوش : خلاص .طالما قال عليكي جميلة وقشطة ....خليه يجي لى القصر ...بكره العصر ...وأنا أعمله كبير رجال القصر ..أهو منه يبقى تحت عيننا ...ما يلعبشي بديله كده ولا كده ...ومنه ..لو زعلك في حاجة ..نحبسه في حجرة الفيران ..ولا نسلط عليه الحاج ( عريان ) ...يفقعه ..كام تصريح مجنون ... ..يخليه يتمنى أن يغسل لك الصحون ..
• بنت قراقوش : متشكرين ....ياحاكمنا العظيم ..مش عايز حاجة من ماما .... قراقوش : هي جانبك ...أصلاً أنا من ساعة مامسكت الحكم ..لا أراها ...
• بنت قراقوش : ليه يافخامتك
• قراقوش : مشغول وحياتك على طول ..قبل ما أنسى ..خليها تتفرج على التليفزيون الساعة 6 مساءً ..عشان هاتكلم ..
• بنت قراقوش : بلاش يا بابا ..لحسن أصحابي ..بيمسكوني تريقة بعد أي كلام تقولوه ....وبالذات أن الإعلاميين بيمسكوا كلامك ...ويسخروا منه
• قراقوش : متخافيش ..اللى يسخر منى ....يكون هو المسخرة ..وبعدين انا ...مدبر للإعلاميين ..كام قضية ..مش هيطلعوا منها ..وإن طلعوا منها ...هنقفل القنوات بتاعتهم ..عافية وإستهبال ..أو بالضرايب ..والتلاكيك القانونية .
• بنت قراقوش: ماشي يابابا هنشوفك أنا وماما والأولاد في التليفزيون الساعة 6 مساءً .
******
• وتظل بنت قراقوش ساهرة ....تنتظر ظهور والدها في التليفزيون من الساعة 6 مساء حتى منتصف الليل ..فلا يظهر قراقوش ..
• ويظهر المذيع ويقول : لقد صرح مصدر مسئول ...ان الدولة قد قررت توزيع الظلام ...على المواطنين بالعدل ..وسيكون حصة كل مواطن ..3ساعات يوميا...كما تقرر رفع الدعم على المحروقات ...لتربية الشعب تربية حكيمة ...حتى ينام بدري ...ويصحى بدري ...حتى يلحق الطوابير ...طوابير الخبز والمحروقات ..وأنابيب البوتجازات ..بدلاً من أن يذهب للمقاهي والكافتيريات ...ويشتكى من أنه بيعاني من البطالة ..
• ويضيف المذيع .قائلا: لقد صرح أحد كبار الجماعة الفلانية بأن المذيع فلان الفلاني .... تطاول علي أسياده ..وقراقوش سيبقي رغم أنف الحاقدين...وأن قراقوش يمكنه أن يصدر قرار ..ومحدش يقف في طريقه من القضاء ...أو غير القضاء ....لأن القضاء وحش ...ومش كويس ...ونفسيته مش حلوة ..تجاه قراقوش ..وعشان كده قراقوش هيعزل عدد كبير منهم ..كام ألف مش مشكلة ..كله في سبيل تمكين قراقوش وجماعة قراقوش يهون ...
• وينتقل المذيع لإستطلاع رأي الجمهور في أخبار البلد فتظهر سيدة تصرخ في المذيع وتقول : (( الله يخرب بيتك ياقراقوش ...غليت علينا عيشتنا ...وخربت اقتصادنا ...وهتبيع البلد ....بمشروع الصكوك ...اللى ... هيرجع الاستعمار من جديد ..وهيخلينا للأجنبي عبيد )) ..
• فتغلق بنت قراقوش التليفزيون ...وتدخل الحمام وتشد السيفون ...
*******
1- إذا كانت الغاية تبرر الوسيلة ...( على رأي الأخ ميكافيللي ) ....فالتمكين ....من مفاصل الحكم ...يمكن الوصول له ..من خلال : تفكيك أجهزة الدولة العميقة والغميقة ...حتى لو أصابها ..مرض هشاشة النظام ....
2- إذا كان خريجي كلية الطب يصلحون للعمل كسكرتير أول لرئيس الجمهورية فمن حق خريجي كلية السياسة والاقتصاد : فتح عيادات طبية..
3- عندما ....يتعامل ....قادة البلاد ....مع الوطن ..والمواطنين ..بعقلية ...التاجر .....تفقد البلاد ..قيمتها ...وهيبتها وإحترامها في نظر الآخرين .
*****
* د. محمود العادلي - أستاذ القانون الجنائي ورئيس قسم القانون العام - كلية الشريعة والقانون بطنطا - والمحامي أمام محكمة النقض والإدارية العليا والدستورية العليا.