كيف تقبل جسده بعد البتر؟ شريف دسوقي يكشف موقفا مؤثرا مع طبيبه بعد تركيب طرف صناعي (فيديو)

قال الفنان شريف دسوقي، إنه تقبل جسمه بعد البتر، معقباً: "ربنا اللي خلاني أتقبل الموضوع ده، وخلاني أتقبل الموافقة على حوار البتر أصلا.. ربنا عداها عليا زي لمح البصر كده من غير ما أحس".
اقرأ أيضا
لن أنسى موقفه| شريف دسوقي: يحيى الفخراني أكثر من ساعدني في أزمتي الصحية (فيديو)
وأضاف شريف دسوقي خلال لقائه مع برنامج "سابع سما" الذي تقدمه الإعلامية "راغدة شلهوب"، والمُذاع على فضائية
"النهار"، قائلاً: "لما روحت للدكتور الفني اللي هيوفرلي الطرف الصناعي اللي هعيش بيه .. قعد يحكي معايا ساعتين ونصف.. ويقنعني أنا ازاي هتعايش مع طرف صناعي.. وازاي هعتاد عليه ويبقى عامل زي النضارة بالنسبالي كده".
وتابع الفنان: "وقعد يحكي طول الساعتين ونصف، وبعدها راح قايلي وأزيدك من الشعر بيت.. وراح رفع بنطلونه ولاقيته مركب
طرف صناعي زي اللي أنا هركبه بالظبط".
وأردف: "في اللحظة ديه أنا قولت ده قدر كبير من ربنا .. لأن كل الأقدار قبل العملية كانت بتحكم إن انا هركب طرف صناعي، وبالتالي الفعل البشري مكنش موجود .. وبالتالي ربنا اللي كان رايد ده وعليا ان أنا اتقبل ده".
وعقب قائلاً: "ربنا بعتلي لطف خفي خلاني أتقبل ده بصدر رحب وطولة بال وإرادة إني أعرف أتدرب على إن يكون عندي طرف صناعي .. لأنه بياخد من 6 ل 8 شهور".
للمزيد من أخبار الميديا اضغط هنا