عايدة رياض تكشف سر عدم زواجها من أحمد بدير.. وتؤكّد: مش شقي

قالت الفنانة عايدة رياض:"تعبت كتير من كلام الناس بس ثقتي في نفسي بتخليني مش بقف عند أي كلام".
أقرأ أيضًا: شاهد..عايدة رياض: محرم فؤاد كائن بيتوتي
وأضافت الفنانة عايدة، خلال لقائها ببرنامج "كلام الناس" المعروض على فضائية "إم بي سي مصر":"أكتر الشائعات اللي تعبتني هي زواجي من الفنان أحمد بدير، ويمكن انتشرت الشائعة بسبب إننا عملنا مسرحية قعدت 4 سنين ".
ولفتت:"متجوزتش أحمد بدير علشان مش راجل شقي، ومفيش حد في الدنيا مبيحبش الراجل الشقي ولكن الحب بين أي اتنين
مهم أيضًا".
وكشفت الفنانة عايدة رياض، في وقت سابق السبب وراء انفصالها عن الفنان الراحل محرم فؤاد بعد زواج امتد كما ذكرت 12 عامًا.
وقالت خلال لقائها ببرنامج "كلمة أخيرة" الذي تقدمه الإعلامية لميس الحديدي على فضائية "أون إي": "زواجي من محرم فؤاد امتد ل 12 عامًا واتطلقنا علشان عايزة ارجع الشغل وهو كان رافض، ولما مخلفتش كنت قاعدة متضايقة ومن هنا بدأ
الخلاف بينا وانفصلنا".
وتابعت:"حبيت أعدي أزمة انفصالي عن محرم فؤاد لكن جالي عقدة من الارتباط وعلشان كده متجوزتش علشان مبحبش المشاكل".
وأردفت:"محرم فؤاد مرة ضربني بالقلم لما كنا في لندن واتخانق معايا خناقة جامدة وأخدت علقة جامدة جدًا وكنت هاموت فيها بسبب غيرته عليا، فخوفت أتجوز بعده، أبويا عمره ما ضربني بالقلم".
وكشفت الفنانة عايدة رياض في لقاء سابق، أن مشهد الضرب في فيلم "اللعب مع الكبار" بطولة الفنان عادل إمام كان حقيقيًا، موضحةً: " مشهد الضرب في فيلم اللعب مع الكبار تم تصويره في أحد كازينوهات المعادي على كورنيش النيل، وكان الضرب حقيقيًا".
للمزيد من الأخبار طالع alwafd news