فيديو .. شاهد عيان فى حريق الجبلاية : أنا مظلوم

أكد إسلام عبد الرحيم, أحد الذين تواجدوا باتحاد الكرة بعد حريقه, أنه برئ من اتهامه بالمشاركة فى سرقة محتويات الجبلاية .
وقال إسلام : " كنت نازل مع الألتراس الصبح بس أنا مش منهم لكن كنت بتفرج وكان معايا صاحبى بيحب التصوير, بعد المحاكمة ناس منهم قالوا إحنا مش هنعمل حاجة النهاردة, فى مجموعة اتحركت فوجئنا بأخبار إن اتحاد الكرة بيتحرق " .
وأضاف " دخلت جوه الاتحاد عشان نلحق أى حاجة قبل ما تتسرق أو تتحرق, كنا بناخد الحاجة نشيلها فى أوضه واقف فيها ناس تبع الاتحاد " .
وتابع إسلام : " بعد ماروحت فوجئت إن أختى بتقولى صورتى جت فى التليفزيون, كنت فخور إنى شوفت نفسى فى حاجة زى دى, بعدين فوجئت إن أصحابى بيقولولى بتسرق ليه وابتدى الموضوع يتطور أنزل الشارع كل الناس بتكلمنى وحتى بيهزروا معايا إيه يا حرامى " .
وأتم حديثه مؤكداً أنه لديه إخوة بنات, وإتهامه بالسرقة أساء لسمعته, مشيراً إلى أن البعض نصحه بالذهاب لاتحاد الكرة وتوضيح موقفه, فيما حذره آخرين من ذلك خشية التعامل معه كأحد مرتكبى الواقعة .
http://youtu.be/H_kKvqnhQ3w