تصريحات ياسمين عبد العزيز وأحمد العوضي سبب في تصدرهم التريند

استضافت الإعلامية المصرية الشهيرة منى الشاذلى النجمة ياسمين عبد العزيز وزوجها الفنان أحمد العوضي فى برنامجها "معكم" الذى يذاع على قناة cbc، وذلك بعد أول ظهور لها عقب تعرضها لوعكة صحية شديدة منذ ثلاثة أشهر، وكشفت عبد العزيز عن تفاصيل مرضها وكيف ساءت حالتها نتيجة خطأ طبي بعد خضوعها لجراحة نسائية، حيث وصفت شعورها في ذلك التوقيت باقتراب محقق من الموت من شدة الألم، كما تكشف عن أسباب عدم مقاضاتها للطاقم الطبي الذي تسبب في مرضها حتى الآن، وموقف زوجها الرجولي معها.
اقرأ أيضًا: أحمد العوضي يكشف سبب عدم سفره مع ياسمين عبد العزيز برحلة علاجها
وتسببت تصريحاتها لتصدر ياسمين عبد العزيز تريند جوجل والسوشيال ميديا وإليكم التصريحات المهمة التى قالها أحمد العوضي وياسمين عبد العزيز:
1- بعد مسلسل اللي مالوس كبير، مشوفتش يوم عدل، جالي مرتين كورونا وفي شهرين أجريت 4 عمليات منهم عمليتين في يوم واحد وبعدها دخلت في أزمتي الصحية.
2- عندي مرض اسمه "أكياس
الشوكولاتة"، من وأنا 16 سنة وهي منتشرة عند بنات كتير، العملية كنت داخلة أعملها عند دكتور النسا اللي ولدني في بنتي.
3- عملت العملية دي حوالي 5 مرات وكنت بدخل أعمل العملية ومحدش يعرف حاجة عني وأعود لشغلي عادي فأنا تأقلمت على الأكياس والآلام بتاعتها بقت صاحبتي وأعيش وأتعايش معها.
4- جالي تسمم في الدم والقولون بتاعي اتخرم وقالولي لو معملتيش العملية كمان ساعة هموت كنت حاسة إني مش هطلع من العملية وقولت لاخويا الكبير (خلي بالك من ياسمين وسيف) لاني فعلا حسيت اني داخلة مش طالعة.
5- صحيت من النوم لقيت معدتي كلها خارجة باره جسمي، وكانت درجة حرارتي 39.
6- فضلت شهر مصدومة ولا بضحك ولا بعيط من الصدمة.
7- أنا كنت بموت، لا أنا موت ورجعت تاني، طلعوني من العملية على العناية المركزة
وكان راكب خراطيم في انفي وفمي وبطني وكالونات في رقبتي وجلست في العناية المركزة 5 أيام واللي بيدخولولي كانوا حاسين اني خلاص والدكاترة قالوا ادعولها دي بتعيش اليوم بيومه.
8- خسرت 15 كيلو فى وزنى بسبب العملية وكان تحت عيني أسود كأني واحدة تانية في المستشفى.
9- يوم عرفة كان السبب في شفائي، أحمد نزل البوست وقال أدعوا لياسمين والناس كلها دعيتلي وكأن الدعاء كله كان من نصيبي.
10- أحمد العوضي كان بيعيط وقالي أوعديني انك تكملي.
11- قال أحمد العوضي انا وياسمين كنا رفضين نعمل مسلسل اللي مالوش كبير من بعض، وساعتها ياسمين قالت اني المسلسل هيبقي سبب طلاقي لانها شخصية مبتهزرش في الشغل.
12- أحمد كان بيلففني سويسرا وكان بيخليني اطلع وانزل سلالم، وقالي انا مش عايز تخفي انا عايزك ترجعي ياسمين تاني.
13- انا مسفرتش مع ياسمين عشان مكنش عندي فيزا ولا كنت اخدت التطعيم، ولما كل حاجة جهزت سافرت لها.
14- انا شخصية شعبية ومن عين شمس وبفتخر بالموضوع ده.
15- التربي كلمني وكانوا بيجهزولي التربة، انا بحب اروح المقابر عشان ده بيتي التانى.
16- انا اتحطمت لما ياسمين كانت تعبانه.
17- شكرت ياسمين وأحمد الجماهير الذين وقفوا بجانبهم والذين كانوا سبب في شفاء ياسمين بعد الله.