مريم سيف تسخر من محمود الليثي: " خلي ممثل كبير يتكلم" (تفاصيل وصور)

تصدر اسم الفنان محمود الليثي مؤشر موقع البحث العالمي جوجل وتريند مواقع التواصل الإجتماعي بعدما نشبت بينه وبين بلوجر مصرية مشادة كلامية حادة عبر صفحاتهم الرسمية بموقع تبادل الصور والفيديوهات الاشهر انستجرام.
(اقرأ أيضًا) محمود الليثي يثير قلق جمهوره بعد إصابته وعائلته بكورونا
بدأ النقاش الحاد بعدما نشر الليثي منشور يصف فيه مشاهير مواقع التواصل الاجتماعي بأن ليس لديهم مهنة حقيقية بعد تعطل معظم التطبيقات مساء يوم الإثنين، قائلًا: "عشان لما نقول الإنفلونسر مش شغلانة تسمعوا الكلام".
لترد البلوجر مريم سيف على منشور الليثي عبر خاصية الاستوري بحسابها على موقع تبادل الصور والفيديوهات الأشهر انستجرام، وكتبت: "معلش يا أستاذ محمود الفاضل وأنت كنت إيه لما طلعت واللي شهرك اليوتيوب وبعدها بقيت ممثل؟.. وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا
زينا ولا إيه؟ ولو الكهربا قطعت بتنطفو أنتو كمان ولا إيه النظام؟، وأضافت: "قالك أنفلونسر مش شغلانة ع الأقل احنا لينا نفع عنكم والله.. طب خلي ممثل كبير يتكلم طيب يا جدع مش كده.. أنا قولت محمود حميدة بيتكلم مثلًا اتخضيت لما لقيته محمود الليثي".
لترد إحدى متابعات البلوجر عليها في رسالة قائلة: "نسي لما كان بيطلع يقول مكنتش بلاقي ال10 جنيه في جبي وبركب رجلي عشان معيش حق المترو وغيره وغيره".
ليرد محمود الليثي عليها عبر خاصية الاستوري بحسابه الرسمي على موقع تبادل الصور والفيديوهات الأشهر "انستجرام "قائلا "بصي يا أستاذة ياللي مش عارفك أولًا أنا مغلطش فيكي لشخصك وأنت غلطي فيا.. ثانيًا أنا ليا أصحاب
كتير أنفلونسر وأشهر منك بمراحل أخدوا الموضوع بهزار عادي دا لأن فعلًا دي مش شغلانتهم الأساسية.. ثالثًا لو أنت شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها.. بنتولد بيها".
تابع الليثي: "رابعًا كونك تقول دا مكنش معاه 10 جنيه يركب مترو وتتريقي على دا.. فدا مصدر فخر ليا إني كنت أمل لشباب كتير إنهم يبدأوا من الصفر وينجحوا.. ورحلة كفاح انبسط إن الناس تعرفها.. خامسًا الفن دا مهنة زيه زي الطب والهندسة ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي".
أضاف: "وأخيرًا لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا".
موضوعات ذات صلة
محمود الليثي ممازحًا محمد هنيدي: حمامة بتاع التليفونات
محمود الليثي يثير قلق جمهوره بعد إصابته وعائلته بكورونا
شاهد .. محمود الليثي بالضفاير في مهرجان الجونة