ريهام سعيد ل حسن شاكوش: يا جربوع.. والأخير يعلن مقاضاتها

أعلن مطرب المهرجانات حسن شاكوش مقاضاة الإعلامية ريهام سعيد، بعد نشرها صورة ل "قاعدة حمام"، رداً على ظهوره في فيديو، وذلك بعد تصريحاتها في برنامج "شيخ الحارة والجريئة" والتي اتهمته بأنه عدوها الشخصي.
اقرأ أيضا.. ريهام سعيد تثير غضب محبي الحيوانات في أولى حلقات برنامجها "صبايا الخير"
وكتب "شاكوش" عبر حسابه على موقع على "انستجرام": "ردي على الكلام دا بالقانون لأن أحنا في بلد القانون".
بداية خلاف "ريهام سعيد" ومطرب المهرجانات "حسن شاكوش":.
كانت قد حلت "ريهام" ضيفة في برنامج "شيخ الحارة والجريئة" والذي تقدمة المخرجة إيناس الدغيدي، وخلال لقائها قالت أنها "شاكوش" عدوها الشخصي، ويرجع ذلك عندما طلبت منه الغناء في حفل أقامه أولادها في الساحل الشمالي بعد عودتهم من الخارج، ووافق على هذا الامر مقابل الحصول على مبلغ كبير من المال.
وأضافت: قلت له هي أغنية واحدة في كابينة .. طلع عيني عشان يجي. ولما وصل كان فيه زحمة قلنا له ممكن تنزل تمشي قال شاكوش ميمشيش على
رجله وسط الناس .. أنا فاكرة الأستاذ هاني شاكر قال إنه ركب موتوسيكل عشان يلحق حفلة" .
ليرد عليها "شاكوش"، خلال مقطع فيديو نشره مساء أمس، عبر حسابه على موقع تبادل الصور والفيديوهات الشهير "انستجرام"، إذ قال :"في الصيف اللي فات أنا كنت في الساحل الشمالي وهي كلمتني وطلبت مني أني أروح أحضر حفلة تخرج مع أولادها وأصحابهم، وفي الفترة دي أنا كنت في مشاكل مع النقابة ومكنش ينفع أني اشتغل وأنزل حفلات".
وأضاف: " قولتلها إني محترم قرار النقابة ومش هينفع أغني في حفلات قالتلي متقلقش وطلبت منها أنها متعملش دعاية وهي قالتلي إن ولادها وصحابهم بس اللي هيكونوا موجودين بتاع 10 أو 15 واحد".
وتابع: "هي بتقول إني طلبت منها مبلغ ضخم جدًا، أنا مطلبتش غير 30 ألف جنيه، قالتلي هتاخد 30 ألف
وأنت هتقعد ربع ساعة، وفي النهاية اتفقنا على 10 آلاف جنيه وقولتلها تديهم للناس اللي معايا أنا مش هاخد حاجة، ولما وصلت القرية لاقيتها عاملة دعاية كبيرة وعدد الحضور كان يزيد عن 200 فرد، الأمن رفض يدخلني عشان ميحصلش حاجة لكنها بعتت ابنها دخلني.
وإختتم "حسن شاكوش" حديثه في الفيديو قائلًا: أنا مخدتش منها جنيه، كلمتني بعدها وفضلت تقولي أنا راجعة التليفزيون ومش عارف إيه وبعدين عملتلي بلوك فعملتلها بلوك، وبعد كدا هي اتصلت بيا عن طريق فريق الإعداد عشان أظهر معاها وأنا رفضت".
View this post on Instagram
A post shared by Hassan Shakosh (@hassan.shakosh)
ولم تكتفي "ريهام" بذلك حيث أنها نشرت صورة ل "قاعدة حمام"، عبر حسابها على "فيسبوك"، معلقة عليها:" ملقتش صورة أحسن من كدة ليك، أنا مهذبة بس لغاية أولادي مش هاشوف أدامي، ولادي خط أحمر يا جربوع.
وأضافت: ومش غلطتك، غلطة اللي طلعوك من الباكابورت عشان تتطاول على الناس الأشراف حسبي الله ونعم الوكيل، مش أنا اللي هرد عليك، ربنا اللي هيرد يا كداب يا واطي".
tags موضوعات ذات صلة
بعد عودة برنامجها .. ريهام سعيد للجمهور: وحشتوني
إخلاء سبيل حسن شاكوش بكفالة 20 ألف جنيه
(فيديو) حسن شاكوش: عمري ما استلفت من حد حتى وأنا مش لاقي آكل