أبو حفيظة يوجه رسالة للرئيس

وجه الإعلامي أكرم حسني الذي يتقمص دور الشخصية الكوميدية "سيد أبو حفيظة" رسالة إلي الرئيس محمد مرسي في قصيدة من تأليفه خلال استضافته في برنامج "الليلة مع هاني" علي قناة "إم بي سي مصر".
وتقول كلمات القصيدة: "سيدي الرئيس"
هاديك ورقة وأديك قلم.. إكتبلي إيه الإنجازات,
إكتبلي إيه ذنب اللي مات,
إكتبلي وصفه، عشان ماموتش من الحسرة.. من كتر السُكات,
أصل السُكات أصبح خرس,
إحكيلي ليه كتروا الحرس,
ليه الولاد ماتوا على القضيب.. في المدرسة سِكت الجرس,
سيدي الرئيس,
مع الألم، رزمة ورقة,
إحسب لي كام قلب إتحرق،
على ابن راح من غير وداع.. على حلم عمره اللي اتسرق,
تقدر تقولي حضرتك سوِّدت ليه شاشة دريم,
لو ده النظام.. تقدر تقولي فرقت إيه عن القديم؟,
الرأي ضدك اختلاف مش خلاف ولا رذالة,
واختلاف الرأي أصلا من الحرية والعدالة,
سيدي الرئيس الحسرة مالية قلوب كتيرة,
التار بيكتر في البلد ولا عشان مش من العشيرة يموت 50 بنت وولد,
الناس غلابة وحقهم يحلموا يعيشوا في أمان,
غلق المواقع ليه أوان,
صدقني يا سيادة الرئيس الأولي غلق المزلقان.