نهال عنبر: سيدة القطار أم أصيلة

أشادت الفنانة نهال عنبر، بواقعة "سيدة القطار" التي انتشر فيديو لها على وسائل التواصل الاجتماعي وهي تقوم بالدفاع عن مجند تعرض للمعاملة بطريقة سيئة من كمسري قطار على خط المنصورة القاهرة، قائلة: "الست صفية دي ست جدعة ودي جدعنه الأمهات المصرية وده مش جديد على الأمهات
المصريات".
وأكدت النجمة نهال عنبر، في مداخلة هاتفية ببرنامج "المصري أفندي" مع الإعلامي أحمد سالم على قناة القاهرة والناس، أن السيدة المصرية أصيلة وتتميز بصفات فريدة من نوعها، مضيفة: "احنا مصريين جدعان قوي والستات المصريات جامدين وعندهم
امومة مفرطة وهي قالت العسكري ده برقبة أي حد، وفعلا العسكري ده اللي بيحمينا ويحمي بلدنا وزي اولاد كتير وواقفين بيضحوا بحياتهم عشان".
وتابعت: "أنا من عشاق الجيش وأنا بحب جيش مصر لان ده السند والضهر اللي مقوينا وحامي البلد، وأنا عارفه ان لو اى أم مصرية مكان السيدة صفية هتعمل نفس تصرفها وتدافع عن العسكري المصري وتدفع له التذكرة".