بعد تعليق الدراسة وغلق المراكز التعليمية.. مطالبات بتخفيف مناهج 3 ثانوي

بعد قرار وزير التربية والتعليم بتعليق الدراسة لمدة 15 يومًا وغلق المراكز التعليمية "سناتر الدروس الخصوصية" بهدف مكافحة فيروس كورونا والسيطرة على انتشار العدوى، دشن رواد مواقع التواصل الإجتماعي من طلاب الثانوية العامة هاشتاج تحت عنوان "تخفيف مناهج 3 ثانوي 2020"، مطالبين بحذف جزء من المنهج ليتمكنوا من مراجعة ما تم تحصيله مع المعلمين قبل غلق المراكز، خاصة بعد اعتماد جدول الأمتحانات الخاص بهم.
إقرأ أيضًا: ادرس في بيتك.. قوائم تشغيل البرامج التعليمية لجميع المراحل
وتفاعل طلاب الثانوية العامة مع الهاشتاج مؤكدين أن قرار غلق "السناتر" سيؤثر بشكل سلبي عليهم، واعرب البعض عن غضبه من ذلك القرار في حين ان جدول الأمتحانات لن يتم تأجيله وقال أحد الطلاب:"يعني
الدروس تتعطل اسبوعين ونمتحن في نفس الميعاد بنفس الكم من المنهج طب ازاي".
فيما وجه البعض الأخر اقتراح أن يقوم الطلاب بالتقديم على الكليات عن طريق اختبار القدرات، خشية من ضياع تعبهم في المذاكرة الشهور الماضية والمصاريف التي تكبدها اوليا أمورهم، وغرد طالب:"حاجة من اتنين، تخففوا المنهج وتقدموا الامتحان وده الانسب يعني علشان سيادتك لغيت الدروس، الغوا السنة كلها وندخل الكليات باختبار قدرات زي المنظومة الجديدة وكل واحد يدخل اللي هو عايزه لأن حرام عليكوا تضيعوا تعب ومصاريف ال 8 شهور دول وجايين تحطمونا دلوقتي".
واكد الكثيرون أنه في عام
2014 تم حذف أجزاء من المناهج ونشروا صور لذلك القرار مطالبين ان يتم تطبيقه في 2020:" محتاجين يحذفوا جزء من المنهج مثل ما تم فيما سبق دي كانت في 2014 المفروض نبقي زيهم أو اكتر".
وتضامن معهم عدد من رواد مواقع التواصل الإجتماعي، مؤكدين ان طلاب الثانوية العامة يواجهوا ضغط نفسي كبير لأن تلك السنة التي تحدد مصيرهم، وغرد أحدهم :"فعلا اكتر ناس مأذيه وبتتاخد في الرجلين، والمناهج تقيلة غير إن التنسيق مبيرحمش والضغط النفسي دا فنراعيهم شوية"، وقال اخر:" بعيد عن الهزار والضحك فالناس بتوع 3ثانوي دول اكتر ناس مظلومين ومضغوطين نفسيا فالوقت دا، وجسديا من السنة كلها طبعا وياريت نقف جمبهم في حاجة زي دي ونحط نفسنا مكانهم وربنا يوفقهم كلهم يارب".
وعلى غرار مقولة "هم يبكي وهم يضحك"، قام اخرون بمواجهة القرارات الجديدة بالكوميكسات والتعليقات الساخرة ومنها:"السنة اللي هتحدد مصيري باظت.. باظت خالص".