فيديو.. السيسي: "اتحايلت على عدلي منصور إنه يترشح للرئاسة مكاني ورفض"

قال الرئيس عبدالفتاح السيسي: "لو إنتوا تصورتوا إني في 30/ 6 كنت جاي طمعان في الحكم تبقوا ظلمتوا الفكرة والقيم والمبادئ اللي إحنا وقفنا من أجلها.. لو انتو تصورتوا إن الموضوع كله علشان أنا أبقى موجود هنا ده أنا أبقى أوحش منهم".
أضاف "السيسي" خلال كلمته في احتفالية وزارة الأوقاف بالمولد النبوي، اليوم الخميس،
أنه طلب من المستشار عدلي منصور أن يترشح لرئاسة الجمهورية، قائلًا : "أنا ما أعرفش الكلام ده لو هقولوا الرئيس عدلي منصور هيزعل مني ولا إيه.. كثير من الناس قبل الانتخابات قالت هو ليه مش عايز يقدم.. واتحايلت على عدلي شهور إن هو
يترشح وأكون أنا فى مكانى زى ما أنا.. وهو رفض وقالي كده كفاية".
وتابع السيسي: "أنا بقول الكلام ده وعارف انه ممكن يزعل منى بس عشان تعرفوا إن الكل زاهد فيها ودي مسئولية كبيرة، سواء فى الدنيا أو الآخرة.. قعدت شهور وأنا أقوله من فضلك سنة عدت تترشح تانى، وأنا أفضل مكانى وهعمل كل اللى ممكن يتعمل عشان مصر.. بس هو قالي لا يمكن هي كده تمام وكفاية كده".
شاهد الفيديو..