غضب لإذاعة إعلانه بستديو القناة التحليلى

مشجعون:الأهلى باع دم الشهداء بإعلان شفيق

انتابت حالة من الغضب مشجعى النادى الأهلى على مواقع التواصل الاجتماعى "الفيس بوك وتويتر"بعد عرض اعلانات للفريق أحمد شفيق المرشح للرئاسة الجمهورية خلال الاستديو التحليلى لمباراة المنتخب المصري أمام نظيره الموزمبيقى فى بداية التصفيات القارية المؤهلة لكاس العالم.
قال محمد حسين –"بما أنى اهلاوى ومش هخجل فى يوم استعر من النادى اللى أنا بشجعه مادام بيروج لشفيق ،مهما كانت الفلوس اللى اتدفعت علشان تذيعوا الاعلان ده ، فده ميساويش قطرة دم سالت من اى شاب من شباب الاهلى فى بورسعيد .
واضاف "ادارة الاهلى الفلووول،فجأة نسوا الشهداء ونسو اللى اتصابوا ونسوا كل حاجة مقابل الفلوس، فليسقط شفيق ولترحل إدارة العار وعلى رأسهم حسن حمدى.
وقال محمود عبد اللطيف "ياجماعة النادى الاهلى باع حق الدعاية والاعلان لوكالة الاهرام للاعلان يعنى الادارة مالهاش دعوة ،اما منتصر عادل فرد عليه قائلا "انت كده محايد، وبادرت دودى كوين قائلة اللى حصل النهاردة عار،أما مريم الشريف فردت قائلة أخص" .
أما محمد هاشم فيقول "مش عايزين تخلف " الكيان لا يهان " اللي يتهان الإدارة اللي بتدير الكيان العظيم ده إدارة فلول مش هاتجلب العار غير علي نفسها .. " الأهلي نادي الوطنية " علي مر السنين و التاريخ يحكي..الأهلي حالة من حال البلد دلوقتي للأسف حاكمة الفلول .. لكن أكيد في يوم هايفووق ،وام مصطفى تضيف المصلحه يا عزيزي-يا حسره قلبي عليكم يا ولادي،وتقول امانى احمد "قتلهم و بيعملوله دعايا عجبت لك يا زمن العبيد"،ويضيف محمد حسن نسو شهداء وقتلى بور سعيد من الان مش اشجع نادى الاهلى يوما بعد يوم حتى تسقط الاقنعة.
ويقول احمد سند "انا باعلنها هقاطع الكورة لحين رحيل مجلس العار هو وفشيق في يوم واحد، ويؤكد محسن ابراهيم " بقدر ما كنا نفتخر بكم نحن كأهلاوية كإدارة محترمة فنحن الآن كأهلاويه فى شدة الخزى و العار اليوم مما رأيناه على شاشة الأهلى هذا اليوم ولا عزاء للشهداء فليرحمنا ويرحمهم الله".
ويختتم ممدوح مصطفى "انتو ناسيين ان دة العميل رقم واحد فى وكالة الاهرام للاعلان وهى اكاديمية الفساد الاولى فى مصر ولازم الفاسدين يسندوا بعض".