مرتضى منصور يفتح النار على الإسماعيلي والمصري بسبب الصفقات

فتح مرتضى منصور رئيس الزمالك، النار على ناديي المصري والإسماعيلي، بسبب رفضهم التخلي عن لاعبيهم لصالح القلعة البيضاء.
وقال مرتضى في المؤتمر الصحفي المنعقد بالزمالك اليوم: "علاقتنا بالإسماعيلية جيدة وأنا أعشق الإسماعيلي، ولكن أتعجب الإسماعيلي منح الأهلي 12 لاعب والإسماعيلية مولعتش ولكن عندما يطلب الزمالك لاعبًا الدنيا تولع"، مُتسائلًا: "فيها إيه لما أطلب إبراهيم حسن؟!".
وتابع: "إدارة الإسماعيلي لم تقبل بيع أي لاعب الزمالك وكل ما أطلب لاعب منهم يقولو لا، الأهلي خد منهم حجازي ومروان محسن وعمرو السولية وجون آنطوي وبركات وعبدالله السعيد وغيرهم".
وواصل: "حرام، أنا بطلب إبراهيم حسن وأنت تقولي لا البلد هتولع وتروح تديه للأهلي اللي أنت بتقول مبتحبوش!".
وانتقل للحديث عن الفريق البورسعيدي قائلًا: "نفس الشيء بالنسبة للمصري لما أطلب لاعب حسام حسن بيعترض ليه مش فاهم، أنا بديك أي لاعب عاوزه أنت خدت حمادة طلبة ورمزي خالد وبتكلم باولو وقولت ماشي".
وأتم: "أنا لما قولت عاوز كابوريا تقول الدنيا هتولع؟!، في أيه يا حسام أنت وإبراهيم؟!".