عبر بعض نشطاء الموقع الاجتماعي "فيس بوك" عن سخريتهم من الاستيكرات التى وضعتها مدرعات قوات الجيش التى تم نشرها لتوفير مزيد من الأمن فى الشارع المصري، والتى حملت عبارات "الجيش والشعب إيد واحدة"، "حماية الشعب". وتوقعت التعليقات أن يضع الجيش استيكرات على مدرعاته كما يفعل سائقو الميكروباص على سياراتهم، وتوقعوا بكرة تلاقي بوستر:- - الحلوة مدرعة وقاعدة ومربعة! - ولا تقولى بنزين ولا تقولى غاز .. الحلوة بتمشى بدم الناس - الثورة صابتني ومكتب الارشاد نجاني - يا بلطجي يا قاسي...المدرعة مفيهاش كراسي - الخرطوش اللي ميصبش يدوش - متبوصليش بعين رضية.. دى جاية بالمعونة الأمريكية - سوقوا بالراحة يا بهايم، سواق المدرعة نايم - ماتبصش بشماتة .. الحلوة دهسة تلاتة - متبصش باحتقار .. الحلوة داهسة ثوار - الثورة خوخة .. ركبناها بعد دوخة - المدرعة دى طاهرة...عمرها ما وقفت فى مظاهرة - هدي وخليني أعدي ... أنا بدهس ومحدش قدي! - لا تقولى نانى ولا سوسو إلى هيقرب منى هدوسه - احترس الدهس متكرر - متبصليش بعين رضية... دي بتاعة المرحلة الانتقالية