بالفيديو.. عمرو أديب: "مصر ترجع للخلف.. ومفيش حاجة اسمها مؤامرة"

أكد الإعلامي عمرو أديب أن ما يحدث في مصر يعيدها للخلف خصوصًا بعد أزمة جزيرتي "تيران وصنافير"، لافتًا إلى أن مصر لا تتعرض لمؤامرة كما يروج البعض.
وقال خلال برنامجه "القاهرة اليوم" المذاع على فضائية "اليوم": "الأكيد أننا نتعثر، ما السبب ولماذا، لا يفرق السبب سواء مقتل الطالب الإيطالي جوليو ريجيني أو التنازل عن جزيرتي صنافير وتيران للمملكة العربية السعودية، وهناك العديد سعيد بهذه النتيجة".
وتابع: "كنا عارفين من شهرين أن ده هيحصل، وناس كتير عايزة الرئيس عبدالفتاح السيسي، يمشي وميكملش، مش بقول أن في مؤامرة أو أن الناس اللي نزلت في مظاهرات يوم الجمعة دول متآمرين أو قابضين".
وأضاف "السيارة ترجع للخلف والوطن يتعثر، والحقيقة أن في ناس كتير مبارح والنهاردة باعوا الرئيس، مش اختلفوا معاه، لكن باعوه، يعني ميغروش رأيهم معاه، لا دول كانوا ناس بيطبلوا، لكن اللي حصل أنهم قرروا أنهم يبعوه، ودي حاجة مبتحصلش في أي حتة، لا الإخوان ولا أنصار مبارك تنصلوا من محمد مرسي أو حسني مبارك اللي أنصاره شايفينه أعظم اختراع بعد الكهرباء".
واستطرد قائلاً "هما باعوه ليه، لأن عندنا لسة فوبيا من الثورة، خصوصًا 25 يناير، ففي ناس قالت ننط قبل ما تبوظ، يعني أنا عايز أبدا أسجل من دلوقتي أني مش معاه، علشان لما تحصل ثورة يجيب كلامه بقى القديم، ما هما اتعلموا بقى من اللي حصل".
الفيديو..